(ვიდეო) – “ამ სიუჟეტით ჩემი “ჩამშვებად” გამოყვანა უნდათ” – მაგდა მამუკაშვილი

სამოქალაქო აქტივისტი, მაგდა მამუკაშვილი, სოციალურ ქსელში, ავრცელებს ვიდეოს და წერს:

გუშინ ტელეფონი დავტოვე, თან არ მიმიტანია, რადგან ჩამომართმევდნენ ვიცოდი. ხოდა, რომ მივედი, მიმღებში მეუბნებიან, საშვი დაშვებული არ არისო. დარეკეთ გამომძიებელთან და დააშვებინეთ-მეთქი. ვერ დავრეკავთო, არ გვაქვს ნომერიო. ჩემი მეგობარი ეუბნებოდა, გუშინ კარგად რეკავდით აქედან გამომძიებელთანო. მერე მეგობრის ტელეფონიდან ვრეკავ 112-ში. 112 მაძლევს ვაკე-საბურთალოს საგამოძიებოს ნომერს, რადგან მასივის არ ჰქონდათ. ვრეკავ ამ ვაკეში და ჩვენ არ გვაქვს მასივის, მანდ რომ ბიჭები სხედან, მაგათ ექნებათ ნომერიო. არ რეკავენ-მეთქი. მერე მახსენდება, რომ შსს-ს გვერდზე უნდა ეწეროს ნომერი, ვნახულობ, ვრეკავ, გაბრაზებული კაცი მპასუხობს:

-ვინ მოგცათ ეს ნომერი, სამორიგეო ვარ,

– ბატონო საიტზე წერია, საჯაროა ეს ნომერი – უკვე მეც ვბრაზობ.

– რა გაყვირებთ ქალბატონო,

– საშვი დაუშვას გამომძიებელმა, ვეუნები.

– კაი, გავარკვევ.

უშვებს გამომძიებელი საშვს, მაგრამ მამუკელაშვილზე და ისევ არ მიშვებენ, თქვენ მამუკაშვილი ხართო. ისევ ვრეკავ. ნახევარი საათი ამ წამებაში ვარ უკვე, მოდის პოსტივი და იმედი, მიღებენ. გამოვუხსენი კარი, ვეუბნები, დიუშენით დაავადებული ბავშვებისთვის მშობლები ღამეს ათევენ კანცელარიასთან, წამალი სჭირდებათ ბავშვებს, მერე ვწერ ფურცელზეც და ფანჯარაზე ვუკრავ, ეგ ცხადია არ გაუშვეს. ამასობაში დაუშვეს საშვი და ავდივარ. შუა ღამისას გამოვედი, იქამდე მელოდებოდნენ.

ახალი არაფერი მიმიწოდებია გამოძიებისთვის, როგორც მითხრეს, მაგრამ სპექტაკლი კი დადგეს მედიების სახით. ძალიან გთხოვთ, იმედს ნუ დაემსგავსებით და თანამებრძოლებთან ყველაფერს ნუ იკადრებთ და ავს თუ კარგს, დაველოდოთ გამოძიებას.

“>