“დღეს ვერავინ გვეუბნება საშუალო ვადიან პერსპექტივაშიც კი რა ვალუტის კურსი იქნება, რატომ არის ინფლაცია, ამის ფონზე, თურმე შესაძლებელია, რომ პენსიონერს შეუძლია დაიქირაოს ბორტი ნომერი 1, ეს არის დაცინვა საზოგადოების,” – ასე აფასებს ეკონომისტი ოთარ აბესაძე პრემიერის სკანდალურ ჩარტერულ რეისს.
ოთარ აბესაძის თქმით, უნდა დადგეს პოლიტიკური, მორალური, ეკონომიკური და იურიდიული პასუხისმგებლობა კონკრეტული პირების.
ძალიან უცნაური განცხადება გააკეთა ბატონმა გაიაშვილმა, რომ ეს პრემიერ-მინისტრია და არა რომელიმე ქარხნის მუშა – საზოგადოებამ უნდა გაითავისოს, რომ ყველა ქარხნის მუშის და მშრომელი ადამიანის გადასახადებით იღებს ხელფასს და ისხმება საწვავი მის ბორტში, რომლითაც გაფრინდა. შესაბამისად, საზოგადოებამ უნდა მიიღოს მოცემულობა მკაფიოდ, რომ მთავრობა უფროსი არ არის, მთავრობა არის დაქირავებით დასაქმებული ადამიანები, რომლებიც დაიქირავეთ იმიტომ, რომ ჩვენი ცხოვრება გახადონ უკეთესი და არა ჩვენს ხარჯზე იცხოვრონ უკეთესად.
დღეს გვაქვს მოცემულობა – პოლიტიკურიც, მორალურიც და ეკონომიკურიც და იურიდიულიც, ყველა ტიპის პასუხისმგებლობაა ასაღები, რადგან საქმე გვაქვს, ბოლო პერიოდია, საქართველოში რაც ხდება კორუფციის კუთხით, ხდება კონსტიტუციური აღრევა NATO-სთან და ევროკავშირთან ინტეგრაციის კუთხით, ამაზე პასუხისმგებელია „ქართული ოცნება“. როგორ შეიძლება, ქვეყანაში, სადაც გაქვს ორნიშნა ინფლაცია, ქვეყანაში, სადაც ასტრონომიულად თვიდან თვემდე იზრდება ფასები, იმ ქვეყნის პრემიერი შეიძლება მოგზაურობდეს ისე, როგორც ბრიტანეთის და აშშ-ის ხელმძღვანელობა. ვნახეთ, ბორელი, რომელიც ერთი ზურგჩანთით, ეკონომკლასით დაბრუნდა,“ – ამბობს ოთო აბესაძე.
კომენტარები