“ენერგო პრო ჯორჯია” აცხადებს, რომ ამ დროისთვის მესტიისთვის ელექტროენერგიის მიწოდება აღდგენილია და მაღალი ძაბვის ორივე ხაზი ჩართულია.
კომპანიის განცხადებით, ვერანაირი ქსელი ვერ გაუძლებს დენის იმ მოხმარებას, რაც მესტიაში ფიქსირდება, რისი უმთავრესი მიზეზიც უკანონოდ მიერთებული მაინერებია.
ენერგო-პრო ჯორჯიას ჰოლდინგის დირექტორთა საბჭოს თავმჯდომარე, მიხეილ ბოცვაძე ამბობს, რომ მესტიის არსებული მოხმარება გაუტოლდა 2019 წლის დეკემბრის მოხმარებას, როდესაც 5 მილიონი ლარის მაინერი გათიშეს.
“ვერანაირი ქსელი ვერ გაუძლებს ელექტროენერგიის იმ მოხმარებას რაც იქ ფიქსირდება. გარდაუვალია ავარიების განმეორება, შესაბამისად ,,ენერგო-პრო ჯორჯია“ სრულად იხსნის პასუხისმგებლობას მესტიაში არსებულ მდგომარეობაზე, ჩვენი ანალიზით, მოსახლეობის მოხმარებაც გაზრდილია, თუმცა, მთავარი მიზეზი მაინც უკანონოდ მიერთებული მაინერებია, რომელთა რიცხვიც, ამ რთულ დღეებშიც იზრდება. მესტიის არსებული მოხმარება გაუტოლდა 2019 წლის დეკემბრის მოხმარებას, როდესაც 5 მილიონი ლარის მაინერი გავთიშეთ და ამოვიღეთ ადგილობრივ პოლიციასთან ერთად”, – აცხადებენ კომპანიაში.
მათი განცხადებით, უკანონო მაინინგი მნიშვნელოვნად აზიანებს ინფრასტრუქტურას, რის აღდგენასაც 4-5 წელი დასჭირდება, გარდა ამისა, “აახლოებენ გადაწყვეტილებას, რომ მესტიის ყველა მომხმარებელმა დაიწყოს ელექტროენერგიის საფასურის გადახდა”.
კომენტარები