ვეფხია კასრაძე აცხადებს, რომ სუსი მისი შვილის გატაცებას გეგმავდა. ამის შესახებ სინდისის პატიმარმა “პირველებთან” სატელეფონო საუბრისას განაცხადა.
როგორც კასრაძე ამბობს, სუსი მის 11 წლის შვილს სამი თვის განმავლობაში ურეკავდა და სახლიდან გატყუების მცდელობაც ჰქონდა.
სინდისის პატიმარი ასევე აშშ-ს მიმართავს და სთხოვს, საქართველოში არსებული ვიტარება ყურად იღონ და დახმარების ნაბიჯები გადადგან.
“შარშან ჩემი შვილის გატაცებას რომ აპირებდა სუსის თანამშრომელი და 11 წლის გოგოს რომ ურეკავდნენ მთელი სამი თვის განმავლობაში, რომ არ ვამხილე ის სუსის თანამშრომელი, ხომ? ეგ ვაღიარო, არა? ესენი არიან გარეწრები, უბრალოდ და ცოტა სრხვენოდეთ, რა! ვფიქრობდი, რომ ლილუაშვილის სუსი აკეთებდა ამას, მაგრამ ახლაც რეკავენ. დარეკავენ ღამის ორ საათზე, რაღაცეებს საუბრობენ, მერე უთიშავენ, მაგრამ მაშინ დაბლა იტყუებდნენ. ერთხელ მე თითონ შევესწარი, “რომელი ხარ,-მეთქი”. მე მიმალავდნენ ჯერ, რომ არ გავგიჟებულიყავი და არ გავარეულიყავი, საერთოდ და მერე უკვე მითხრა ბავშვმა. ესენი არიან ტერორისტული ორგანიზაცია, ტერორისტული ჯგუფია და მე მინდა, მივმართო აშშ-ს, რომ ამ ტერორისტულ ორგანიზაციას, რომელმაც ნარკოტიკებით გაავსეს ქვეყანა, მოხედეს საქართველოს. ჩვენ ხომ ვიღებდით მონაწილეობას ამერიკის მისიებში, როგორც ავღანეთში, ისე ერაყში. უარეს დღეში ვართ! ჰიბრიდული ომი მიდის ჩვეულებრივად, დაგვწამლეს. მე, იცით, რა მდგომარეობა მქონდა? ყველა სიმპტომი მქონდა აბსოლუტურად, გრძნობა დავკარგე, პლიუს ორს ვხმარობდი და ახლა პლიუს ორიც აღარ მყოფნის, ყველა უბედურება მჭირდა. ის კი არა, ბავშვებიც დამეწამლნენ, პირღებინება დაეწყოთ. სუნი რომ იდგა მანქანაში ყველას პირღებინება დაეწყო, – ამბობს კასრაძე.
კომენტარები