ხათუნა ჟორდანია სოციალურ ქსელის პირდაპირ ეთერში თურქეთიდან შვილთან, მომღერალ ნინი ქარსელაძესთან ერთად ჩაერთო და თქვა, რომ ქიმიოთერაპიას ვეღარ აგრძელებს, ამიტომაც მკურნალობის სხვა მეთოდს მიმართა.
„ვემზადები საავადმყოფოში წასასვლელად და გული ხელით მიჭირავს. ცოტას ვნერვიულობ. თან, გუშინ ძალიან მოვიწამლე და ცოტა გულწასული ვიყავი დილიდან, მაგრამ ეს არაფერია. ზუსტად ვიცი, მივდივარ იმისთვის, რომ განვიკურნო ბოლომდე.
სანამ საავადმყოფოში წავალ, მანამდე მინდა, ტელეფონი მივცე ნინის. ჩემს მეგობრებს აუფეთქდათ ტელეფონი, რას უკეთებს ნინი ხათუნასო. მიკეთებს საოცრებებს. თუ რამეს მოკრავდა ყურს, ყველაფერს მასმევდა, მიკეთებდა, ყველა ექიმთან გარბოდა და კონსულტაციებს იღებდა. ნინიმ გამომაძვრინა ამ მდგომარეობიდან. დაახლოებით წელიწადნახევარია, მე არანაირ მკურნალობაზე არ ვარ, იმიტომ, რომ ჩემი შვილი არის ჩემი მკურნალი. სრულად მივენდე ნინის. ვარ ძალიან ურჩი პაციენტი, მაგრამ რას ვიზამთ. ძალიან მაგარია და მერევა ყველაფერში. საერთოდ წარმოდგენა არ მაქვს, რას ვიღებ, რას ვაკეთებ… ჩემი ნინი მოგიყვებათ ყველაფერს იმას, რასაც ამ წელიწადნახევარში ქიმიოთერაპიის დამთავრების მერე მიკეთებს. ბოლო ქიმიოთერაპიებმა ძალიან გამომაცალა ძალა და დამაგდო, მივხვდით ქიმიოთერაპიას ვეღარ გავაგრძელებდი, ამიტომაც სხვა რამ უნდა გვეცადა…“ – ამბობს ჟორდანა.
ნინი ქარსელაძემ ლაივში ჩამოთვალა ის სამი პრეპარატი, რომელსაც ხათუნა ჟორდანია იღებს ბოლო წელიწადზე მეტია. როგორც ნინი აღნიშნავს, საკმაოდ კარგი შედეგბიც აქვს.
პარალელურად ხათუნა ჟორდანია ტრადიცულ მკურნალობას საჭიროებს, რის გამოც თურქეთში სხივურ თერაპიას იწყებს. ექიმებს დამაიმედებელი პროგნოზი აქვთ. როგორც ჟორდანიამ განმარტა, მის ორგანიზმში მეტასტაზები აღმოჩენილი არ არის.
კომენტარები