“ვაჟკაცი ბიჭია და გამაგრდება” – ლაზარე გრიგორიადისის ბაბუა

მარტის აქციის საქმეზე დაკავებული ლაზარე გრიგორიადისის ბაბუა, სასამართლოს განაჩენს გამოეხმაურა და მედიასთან ამბობს:

“სადღაც გულის სიღრმეში მაინც მეგონა, რომ გირაოს გამოიყენებდნენ, მაგრამ ნუ, სადღაც შორს, გულის სიღრმეში, მაგრამ. თქვენც ხომ იყავით პროცესზე და ნახეთ იქ რა ხდებოდა… გამაგრდება, ვაჟკაცი ბიჭია და გამაგრდება”, – თქვა დაკავებულის ბაბუამ.

შეგახსენებთ, რომ დღეს თბილისის საქალაქო სასამართლომ მარტის აქციებზე დაკავებულ ლაზარე გრიგორიადისს აღკვეთის ღონისძიების სახით პატიმრობა შეუფარდა. უწყება მას “რუსული კანონის” გასაპროტესტებლად გამართულ აქციაზე პოლიციელებზე თავდასხმასა და სხვისი ნივთების დაზიანებას ედავება.

დაკავებულს 7-დან 11 წლამდე პატიმრობა ემუქრება.

“არ გაუმწაროთ ბავშვს სიცოცხლე, თუ რამე დააშავა მე ავიღებ ჩემ თავზე” – ლაზარე გრიგორიადისის მამა