იუსტიციის უმაღლესი საბჭოს არამოსამართლე წევრი, ნაზი ჯანეზაშვილი, სოციალურ ქსელში, წერს:
“ვაჟა სირაძის მამა, ქუთაისის სააპელაციო სასამართლოს მოსამართლე შოთა სირაძე ჩემ შესახებ წერს, რომ თითქოს მე მის პოლიტიკურ დევნას ვეწევი.
ბატონო Shota Siradze, ვინაიდან ფეისბუქის მეშვეობით მესაუბრებით, ამავე ფორმით გიპასუხებთ:
1. თქვენ ამტკიცებთ, რომ (ვციტირებ): “2013-2014 წლებში ხობის საკრებულოში მაჟორიტარი დეპუტატი ვიყავი და არა პოლიტიკოსი”.
2014 წელს თქვენ “ქართული ოცნების” წარდგენით გახდით ხობის მუნიციპალიტეტის საკრებულოს წევრი, შემდგომ დაიკავეთ საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის თანამდებობა. და მაინც დაჟინებით ამტკიცებთ, რომ არ იყავით პოლიტიკოსი?
უფრო მეტიც, მუნიციპალიტეტის საკრებულოს კომისიის თავმჯდომარის თანამდებობა კანონის მიხედვით პოლიტიკური თანამდებობაა.
(საჯარო სამსახურის შესახებ საქართველოს კანონის მე-3 მუხლი; ადგილობრივი თვითმმართველობის კოდექსის 32-ე მუხლი; საჯარო დაწესებულებაში ინტერესთა შეუთავსებლობისა და კორუფციის შესახებ საქართველოს კანონის მე-2 მუხლი).
2. თქვენ საუბრობთ იმაზე, რომ თითქოს თქვენ შესახებ ინფორმაცია გავასაჯაროვე პირადი საქმიდან.
აბსოლუტურად ყველა ინფორმაცია რაზეც მე ვსაუბრობ საჯაროა – თანამდებობის პირის დეკლარაციები, თქვენი ბიოგრაფია და იუსტიციის საბჭოს გადაწყვეტილებები თქვენი პირველი დანიშვნის, უვადოდ დანიშვნის და ბოლოს დაწინაურების შესახებ.
შეგახსენებთ, რომ თქვენი ბიოგრაფია დიდი ხანია განთავსებულია იუსტიციის უმაღლესი საბჭოს ვებსაიტზე: http://hcoj.gov.ge/ge/shota-siradze
ასევე საჯაროა ცესკოს ვებსაიტზე ინფორმაცია, რომ თქვენ “ქართული ოცნების” სახელით მონაწილეობდით 2014 წელს თვითმმართველობის არჩევნებში
(იხ. სქრინები ცესკოს ვებსაიტზე განთავსებული საჯარო წყაროდან: https://cesko.ge/…/16888-saolqo-saarchevno-komisiebshi…)
ასევე საჯაროა ხობის მუნიციპალიტეტის საკრებულოს თანამდებობიდან თქვენი გათავისუფლების შესახებ ინფორმაცია: http://khobi-sakrebulo.ge/…/xobis%20municipalitetis…
ასევე საჯაროა თქვენი დაწინაურების შესახებ იუსტიციის საბჭოს გადაწყვეტილება: http://hcoj.gov.ge/…/pdf%20gadacyvetilebebi/2020/1-10.pdf
და ა.შ. და ა.შ.
3. დაბოლოს, თქვენ ამბობთ ჩემზე – “იუსტიციის უმაღლესი საბჭოს წევრი მოსამართლის მიმართ ფაქტობრივად პოლიტიკურ დევნას და დისკრედიტაციას ახორციელებს”.
ასეთ აბსურდულ ბრალდებაზე რა გიპასუხოთ?!”
კომენტარები