ვატიკანის ყველა თანამშრომლისთვის კორონავირუსის საწინააღმდეგო ვაქცინაცია სავალდებულო გახდა. აუცრელებს კი კოვიდტესტის რეგულარული ჩაბარება მოუწევთ. ინფორმაციას Vatican News ავრცელებს.
ამასთან, ტესტი ხარჯებს სახელმწიფო აღარ დაფარავს.
თანამშრომლები, ვისაც ე.წ. მწვანე საშვი არ ექნება, სამუშაო ადგილებზე არ დაიშვებიან, მათი არყოფნა კი საპატიო მიზეზად არ ჩაითვლება, რაც შესაბამისად, ანაზღაურებაზეც აისახება.
ცნობისთვის, 1 ოქტომბრიდან ვატიკანში შესვლისთვის ვიზიტორებსაც “მწვანე საშვის” წარდგენა ევალებათ. “მწვანე საშვი” შეიცავს ინფორმაციას, რომ ადამიანი კორონავირუსზე აცრილია, COVID-19-ისგან გამოჯანმრთელდა და ცოტა ხნის წინ ტესტზე უარყოფითი პასუხი მიიღო.
ვატიკანში განმარტავენ, რომ ამ გადაწყვეტილების მიზანი რომის პაპისა და ვატიკანის სხვა სასულიერო პირების უსაფრთხოების დაცვაა.
კომენტარები