ვაქცინაციისთვის რეგისტრაციის პორტალი ჩაირთო

ვაქცინაციის რეგისტრაციისთვის პორტალი, რომელიც გუშინ კიბერშეტევის გამო გაითიშა, ჩაირთო.

ვაქცინაციის რეგისტრაციისთვის განკუთვნილი პორტალი გუშინ მთელი დღის განმავლობაში გათიშული იყო და „სინოფარმით“ აცრისთვის რეგისტრაცია გუშინ ვერ დაიწყო.

ჯანდაცვის უწყებაში საიტის გათიშვის მიზეზად კიბერშეტევა დაასახელეს, რის გამოც შსს-მ გამოძიებაც დაიწყო.

შეგახსენებთ, ქვეყანაში „ასტრაზენეკით“ ვაქცინაცია 2021 წლის 15 მარტიდან დაიწყო, „ფაიზერით“ კი 30 მარტიდან.

3 აპრილს ქვეყანამ „სინოფარმის“ ვაქცინის 100 ათასი დოზა მიიღო. ამ ვაქცინის გამოყენება 4 მაისიდან დაიწყო, „სინოვაკით“ იმუნიზაცია კი 24 მაისიდან.

ჯანდაცვის მსოფლიო ორგანიზაციამ „სინოფარმის“ ვაქცინას ავტორიზაცია 7 მაისს მიანიჭა.