ძალიან მნიშვნელოვანი დღეა ჩვენს ქვეყანაში, იწყება პანდემიასთან ბრძოლის სრულიად ახალი ეტაპი. პანდემიის დამარცხების გზა ვაქცინაციაზე გადის და ამიტომ ამ პროცესის კარგად, სწორად წარმართვას განსაკუთრებული მნიშვნელობა ექნება, ამიტომ ყველას ვთხოვ, რომ მაქსიმალურად დავუდქეთ ჩვენს ექიმებს გვერდში, რომ რაც შეიძლება მეტი, ანუ 60%-ია ჩვენი სამიზნე, მოსახლეობა აიცრას, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ განაცხადა.
მისივე თქმით, Astra Zeneca-ს ვაქცინა ავტორიზებულია ჯანდაცვის მსოფლიო ორგანიზაციის მიერ, რაც მის მაღალ ხარისხზე მიუთითებს.
„ძალიან მნიშვნელოვანი დღეა ჩვენს ქვეყანაში, იწყება პანდემიასთან ბრძოლის სრულიად ახალი ეტაპი. პანდემიის დამარცხების გზა ვაქცინაციაზე გადის და ამიტომ ამ პროცესის კარგად, სწორად წარმართვას განსაკუთრებული მნიშვნელობა ექნება, ამიტომ ყველას ვთხოვ, რომ მაქსიმალურად დავუდქეთ ჩვენს ექიმებს გვერდში, რომ რაც შეიძლება მეტი, ანუ 60%-ია ჩვენი სამიზნე, მოსახლეობა აიცრას. დღეს Astra Zeneca-ს ვაქცინის პირველი პარტია შემოვიდა, რომელი ავტორიზირებულია ჯანმრთელობის მსოფლიო ორგანიზაციის მიერ, ეს ავტორიზაცია ნიშნავს, რომ გახლავთ ერთ-ერთი ყველაზე მაღალი ხარისხის.
43,200 დოზა, Covax-ის საშუალებით 1-ლი პარტია, მე-2 პარტია, რომელიც აპრილის მე-2 ნახევარში შემოვა, დაახლოებით 86,000 დოზა, ამიტომ პირველ ეტაპზე, ვაქცინაციის გეგმის მიხედვით აიცრებიან ყველაზე მაღალი პრიორიტეტის ჯგუფი, სამედიცინო მუშაკები, რადგან სწორედ ისინი არიან კორონავირუსთან ბრძოლის წინა ხაზზე.
მოვუწოდებ ჩვენს კოლეგებს, რომ ორშაბათიდან, როცა ვაქცინაცია დაიწყება მისცენ მაგალითი საზოგადოებას ამ ყველაზე დიდი სიკეთის შესახებ, რაც კი კაცობრიობას მოუგონია ამ 200 წლის განმავლობაში. ვაქცინაციამ გადაარჩინა მილიონობით ადამიანის სიცოცხლე და ვაქცინაცია დაასრულებს 21-ე საუკუნის ყველაზე დიდ გამოწვევას, კოვიდპანდემიას, ამიტომ გთხოვთ, რომ ყველა ვიყოთ სოლიდარული და მობილიზებული, რომ ეს პროცესი კარგად წარიმართოს“, – განაცხადა გამყრელიძემ.
კომენტარები