“ვაფრთხილებ ანა დოლიძეს – მოხსნას თბილისის მერობის პოსტზე კანდიდატურა! ის სისხლის სამართლის დამნაშავეა და პასუხი უნდა აგოს!” – დავით ნემსაძე

ლევან ჯავახიშვილი

„ალიას“ ესაუბრება „არმიის სამოქალაქო კონტროლის ჯგუფის“ ხელმძღვანელი, საფრანგეთში პოლიტიკურ დევნილობაში მყოფი, დავით ნემსაძე.

დავით ნემსაძე:

ლევან კობაიძე არის მოქმედი ოფიცერი, კაპიტანი, რომელმაც ამხილა სისტემა  არაერთ დანაშაულში,  სამხედრო მოსამსახურეთა მიერ ბავშვების წამებაში ამხილა,  რაც კაცობრიობის წინაშე ჩადენილი დანაშულია, ეს არის ჰააგის ტრიბუნალის საქმე, ეს არ არის, ადგილზე, საქართველოში  გადასაწყვეტი საქმე. ამ სადისტური, ფაშისტური დანაშაულის ჩამდენები არა თუ დასაჯა „ქართულმა ოცნებამ“,  არამედ თანამონაწილე გახდა ამ დანაშაულისა. თინა ხიდაშელის მინისტრობის დროს მოხდა ეს დანაშული. ანა დოლიძე თინა ხიდაშლის მოადგილე იყო და ხიდაშელის მსგავსად, დეტალურად იცის ამ საქმის შესახებ. დღეს ანა დოლიძეს თბილისის მერობა უნდა.

ბავშვთა წამებაზე ლევან კობაიძის ვიდეოს გავრცელების შემდეგ, ანა დოლიძე სპეციალურად მივიდა იმ ბაღში თავის მხარდამჭერებთან ერთად, სადაც თავს დამესხნენ და თავისი ე.წ. პოლიტიკური კამპანია დაიწყო. ამას იყენებს უშიშროება ქარაგმად და რებუსად, ეს გზავნილია ჩემთვის და მე ეს გზავნილი მივიღე. აქედან ვეტყვი ანა დოლიძეს – მოხსნას თბილისის მერობის პოსტზე საკუთარი კანდიდატურა. ბავშვების  მწამებლებისთვის ხელის დამფარებელს უფლება არ  აქვს, მერობაზე პრეტენზია ჰქონდეს. ვიცი, რატომ აკეთებს ამას. ეს ადამიანი თბილისის მერი ვერ გახდება. ამას საკუთარი ჯიბის გასასქელებლად აკეთებს, უნდა გარკვეული ხმების „პრიხვატიზაცია“ გააკეთოს და მიიღოს ფული, ის არის პოლიტიკური ვაჭარი. ანა დოლიძე სისხლის სამართლის დამნაშავეა და პასუხი უნდა აგოს.