სამხედრო ექსპერტი ამირან სალუქვაძე:
„ეს მარიონეტი, რომლის აზრი მოსახლეობის დიდ ნაწილს არც აინტერესებს, რაზე გვესაუბრება და რატომ ჩავთვალე საჭიროდ გამოხმაურება:
1. ამბობს, გაცილებით მძიმე დამნაშავეებს გადავუვადე სასჯელიო. ანუ, სააკაშვილი უკვე გასამართლებულია ორი უმძიმესი დანაშაულის გამო და პლუს სამ ასევე უმძიმეს დანაშაულზე მიმდინარეობს სასამართლო პროცესები.
იქნებ გვითხრას:
ა) ვინ შეიწყალა ამაზე მძიმე დანაშაულების ჩანდენი და რა მოტივაციით?
ბ) რატომ შეიწყალა 3 ათასზე მეტი პატიმარი კონვეირული წესითბ4 წლის მანძილზე?
2. სააკაშვილზე ამბობს ფსიქიური პრობლემები აქვს და ამიტომაა მისი პატიმრობაში ყოფნა წამებაო, თორემ განა ვამბობთ ნაცემიაო?!
ჯერ ერთი, რითი ადასტურებს ფსიქიურ პრობლემებს, დიაგნოზი ნახა? დადეთ დიაგნოზი. თუ ფსიქიური პრობლემები აქვს, გამოაქვეყნეთ დიაგნოზი და კანონი მყისიერად ამოქმედდება, თუ დიაგნოზი დადასტურდა.
მეორე, მართლა უსამშობლო და უთავმოყვარეო ხალხი რომ ხართ, ამხელა წიოკი რომ გაქვთ ატეხილი, მოწამლულიაო, ნაწამებიაო, ქვეყანას ზიანს რომ აყენებთ და ვიზუალურ სპექტაკლებს რომ დგამთ, რატომ არ გაწუხებთ ქვეყნის პრესტიჟი? ნაწამებია, მოწამლულია, კლავენო, მისი მომხრეების და ადვოკატების მიწოდებით CNN-მა მთელ მსოფლიოს მოსდო. გეთქვათ ფსიქიურადაა დაავადებულიო?!
კეზერაშვილთან ერთად ერთ საბუთზე ხელმომწერს რაზე უნდა ელაპარაკო?!
იმასაც არ უფიქრდებიან, კეზერაშვილი, რომელიც თვითონაა ბრალდებული, ავტორიტეტს არ წარმოადგენს და არ შეუძლია ძებნილმა მსჯავრდებულის გათავისიფლება მოითხოვოს.
კიდევ ერთი და მთავარი: ვაკვირდები ყველას წელიწადზე მეტია და ორი დასკვნა გამომაქვს:
1. თვე გავიდა იუსტიციის მინისტრის შეთავაზებიდან, ჩამოუყვანეს ექიმი ან ექიმები? არა. ე.ი. სააკაშვილის ჯანმრთელობაც და სიცოცხლეც, ვინც მის გამო ხმაურობს, ფეხებზე ჰკიდიათ, მათ შორის ოჯახსაც, ან სააკაშვილს არაფერი სჭირს. ასე რომ არ იყოს, უცხოელი პროფესორები თავზე უნდა ეხვეოდნენ.
2. აგრესიით, სიცრუეებით, აჟიოტაჟით ყველაფერს აკეთებენ, რათა სააკაშვილმა გააგრძელოს სასჯელის მოხდა. ე.ი. სააკაშვილი ციხეში სჭირდებათ. მართლა რომ სურდეთ გათავისუფლება, სხვაგვარად მოიქცეოდნენ. გარედან კი არ მიაწვრბოდნენ ქვეყანას, ხალხს დაელაპარაკებოდნენ, ბოდიშს მოუხდიდნენ.“
კომენტარები