ხმაური იურიდიულ საკითხთა კომიტეტზე – ერთმანეთს დღესაც მიხეილ სარჯველაძე და იაგო ხვიჩია დაუპირისპირდნენ. ადამიანის უფლებათა დაცვის კომიტეტის თავმჯდომარემ “გირჩის” ლიდერს “უზრდელი და არასერიოზული კაცი” უწოდა, ხვიჩიამ კი მას გუშინდელი ინციდენტი შეახსენა.
იურიდიულ საკითხთა კომიტეტის სხდომა იაგო ხვიჩიამ პროტესტის ნიშნად დატოვა. მისი თქმით, “გირჩს” არ მიეცა პარლამენტში საშუალება, რომ წვევამელებთან დაკავშირებით სრულფასოვნად ემსჯელათ.
დღეს ეს სხდომა არ უნდა ჩატარდეს, მაგრამ თუ ეს სხდომა ჩატარდება ჩემი არგუმენტის მიუხედავად, ეს კიდევ ერთი მტკიცებულებაა იმის, როგორ ხდება ამ პროცესის, ფაქტობრივად, ისე ჩატარება, რომ ეს არც განხილვაა თავისი შინაარსით და ეს არის მთელი ამ პროცესის პრობლემაც. მიმაჩნია, რომ ასეთ სხდომაში სრულიად არ უნდა მივიღო მონაწილეობა იქიდან გამომდინარე, რომ მთლიანად ირღვევა პროცედურები, მდენად ცხადი იყო ჩემთვის გარემოებათა მტკიცებულებიდან გამომდინარე, სულ ეს უნდა ვიმეორო, ზოგადად, ამ სხდომასთან დაკავშირებით, რასაც არც საკუთარ თავს არ ვაკადრებ ახლა და არც ჩემს კოლეგებს, – თქვა სხდომაზე იაგო ხვიჩიამ.
თავის მხრივ ხვიჩიას ბრალდებებს სარჯველაძემაც უპასუხა.
ვნახეთ იქ უტაქტობაც, უზრდელობაც, პირდაპირ რომ ვთქვათ, ღლაბუციც ცალკეულ საკითხებთან დაკავშირებით. სრული უფლება აქვს, რა თქმა უნდა, წამყვან კომიტეტს, ეს კანონპროექტი განიხილოს. ვინც მოქცევა არ იცის საზოგადოებაში და ელემენტალური წესები ან პირიქით, შეგნებულად ამის დარღვევის მცდელობა აქვს, ბუნებრივია, რომ ამასთან დაკავშირეთ არ შეიძლება დასკვნების გამოტანა, რომ კომიტეტის სხდომა ისე ვერ წარიმართა, როგორც საჭიროა. ვიხილეთ ასევე გუშინ პროვოკაციები და პროვოკაციებზე მეტად სიმულაციებიც იმასთან დაკავშირებით, რომ თითქოს ვინმემ ვინმეზე იძალადა, – თქვა სარაჯველაძემ.
თავდაცვის სადავო კოდექსის დაჩქარებული წესით განხილვა “ოცნებამ” ვერ მოახერხა. ხელისუფლებამ სხდომათა დარბაზში კვორუმისთვის საჭირო დეპუტატების მობილიზება ვერ შეძლო. საკითხზე მსჯელობა განუსაზღვრელი ვადით გააიდო.
„ტვ პირველი“
კომენტარები