ევროკავშირში, საქართველოდან თავშესაფრის მაძიებელთა სიმრავლისა და მათ მიერ ჩადენილი კრიმინალური შემთხვევების გამო, უვიზო მიმოსვლას საფრთხე ემუქრება – ინფორმაციას გამოცემა euobserver.com გერმანიის საემიგრაციო დეპარტამენტზე დაყრდნობით ავრცელებს და გერმანული მხარის მიერ შედგენილ დოკუმენტს აქვეყნებს.
როგორ ცნობილი ხდება, რამდენიმე ევროპული ქვეყანა, მათ შორის გერმანია, იტალია, ჩეხეთი და საფრანგეთი არსებული მდგომარეობით უკმაყოფილებას გამოთქვამენ და ევროკავშირის წევრ ქვეყნებს საქართველოსთან, მოლდოვასა და უკრაინასთან უვიზო მიმოსვლის პოლიტიკის გადახედვისკენ მოუწოდებენ.
გამოქვეყნებული დოკუმენტით ირკვევა რომ საქართველო ათი ყველაზე პრობლემური ევროპული ქვეყნების სიაშია შეყვანილი, რომელსაც საემიგრაციო პოლიტიკაში სერიოზული დარღვევები აქვს და ემიგრაციაში წასული მოქალაქეების რაოდენობა ყოველ წელს საგრძნობლად იზრდება.
ჩასწორება:
გერმანიის პრეზიდენტი ფრანკ-ვალტერ შტაინმაიერი “ევროობზერვერის” მიერ გავრცელებულ ინფორმაციას “ფეიკ ნიუსს” უწოდებს
“დღეს, როდესაც აქ [კიშინიოვში] ჩამოვედი, ამ შეტყობინების წაკითხვა ჩემთვისაც ისეთივე მოულოდნელი იყო, როგორიც თქვენთვის. აღნიშნულის შესახებ ბერლინსა და შინაგან საქმეთა ფედერალურ სამინისტროში მოვიკითხე და აღმოვაჩინე, რომ ეს არ იყო ნამდვილი სიახლე. ეს, უბრალოდ, ყალბი ამბებია,” – აღნიშნა გერმანიის პრეზიდენტმა.
კომენტარები