კორონავირუსის ახალმა, ინდურმა შტამმა ადრე არსებული შტამები გააერთიანა – უცნაურ ვირუსთან გვაქვს საქმე, მეცნიერები ჯერ კიდევ თავს იტეხენ! – ამის შესახებ ნორვეგიის სამეფოს ჯანდაცვის სამინისტროს უფროსმა მრჩეველმა ზაზა წერეთელმა ტელეკომპანია „პალიტრანიუსის“ გადაცემა „ნიუსრუმში“ განაცხადა:
„ინდოეთში ერთი კვირის განმავლობაში შემთხვევების 90%-იანი ზრდაა. ამის მიზეზი მუტაციაა – ინდური ახალი შტამია, მეცნიერები ამბობენ, რომ ამ შტამმა ადრე არსებული შტამები გააერთიანა. მას შეუძლია უკვე გვერდი აუაროს ჩამოყალიბებულ იმუნიტეტს.
არ მინდა ვინმე შევაშინო, მაგრამ გუშინ საღამოს იყო ინფორმაცია და სამმაგი მუტაციის ვერსიაც კი აღმოაჩინეს. ეს ნიშნავს, რომ მას შეუძლია მიიღოს ადამიანის უჯრედმა და ამავდროულად თავი აარიდოს ანტისხეულებს ანუ იმუნიტეტის ბარიერი გადალახოს. უახლოეს პერიოდში გვეცოდინება, რასთან გვაქვს საქმე. უცნაურ ვირუსთან გვაქვს საქმე, მეცნიერები ჯერ კიდევ თავს იტეხენ!
ქვეყნების უმეტესობამ ჩაკეტა საზღვრები ინდოეთთან ანუ ყველა ქვეყანამ თქვა, რომ ისინი საკუთარ მოქალაქეს მიიღებენ, მაგრამ არავის მიიღებენ ინდოეთიდან და განსაკუთრებით მათ, ვინც ბოლო 2 კვირის განმავლობაში იმყოფებოდა იქ. საქართველოში ინდოელი სტუდენტები ძალიან ბევრნი არიან, ამიტომ საქართველომაც უნდა გაატაროს იმავე ღონისძიება, რაც სხვა ქვეყნებმა, მითუმეტეს თუ გავითვალისწინებთ, რამდენად მყიფეა ჯანდაცვის სისტემა“
მიუხედავად იმისა, რომ ექიმების ნაწილი უკვე ღიად საუბრობენ საშიშ შტამზე და მთელი მსოფლიო შიშით უყურებს ინდოეთს, ამ დრომდე უცნობია, რას აპირებს საქართველო, რომლის დაავადებათა კონტროლის ცენტრის ხელმძღვანელი პირი გვიმტკიცებს, რომ “ეს არის ჩვეულებრივი მუტირებული შტამი”…
კომენტარები