„უცბად კი ურეკავენ ხვიჩას მამას და ეუბნებიან, დედაშენი გარდაიცვალაო…“ – რა ფაქტს შეესწრო ნიკოლოზ წულუკიძე

ტელეკომპანია “იმედზე”, გადაცემა “იმედის დღეში”,  ტელეწამყვანმა ნიკოლოზ წულუკიძემ ნეაპოლში მოგზაურობის შესახებ ისაუბრა:

ის ქალაქ ნეაპოლში იმყოფებოდა და “იუვენტუსთან” შეხვედრას დაესწრო.

“ურთულესი სოციალური პრობლემების, გაჭირვების მიუხედავად, კვარაცხელიების ოჯახმა იმდენი იშრომა, რომ ხვიჩა ასეთ დონემდე მოსულიყო და ასეთი ბედნიერება მიენიჭებინა მთელი ერისთვის.

რა განცდა იყო – ფეხბურთის გულშემატკივრობა სრულიად დავიწყებული გვქონდა, მათ შორის, ჩემშიც, ეს გრძნობა მიძინებული იყო, თუმცა მისი თამაშის დღეს საოცარი ემოცია მქონდა.

ამ დროს კი ვიღაც “კლავიატურის ვირთხას” უჩნდება განცდა, რომ ასეთი უმსგავსობები წერო მის შესახებ.

ასეთი ბედნიერი დღის (“ნაპოლისა” და “იუვენტუსის” თამაშის შემდეგ) ოჯახმა დაგვპატიჟა სადილად, წარმოიდგინეთ, როგორი გახარებული იყვნენ მისი დედა და მამა, ყველა ხვიჩას ეფერება… უცბად კი ურეკავენ ხვიჩას მამას და ეუბნებიან, დედაშენი გარდაიცვალაო. წარმოიდგინე, რა ემოცია გაქვს, როცა იცი, რომ დედა შეუძლოდაა, დატოვებულია საქართველოში, ჩაგშხამდა ყველაფერი… დაახლოებით 20 წუთში ირკვევა, რომ ეს ყველაფერი ტყუილი და ყალბი ინფორმაციაა.

რატომ უნდა მოგინდეს ადამიანს, რომ შენი ქვეყნის ასეთ ელჩს, რომელმაც იტალიაში დამოკიდებულება შეცვალა ქართველების მიმართ… იმ მომენტში, ხვიჩას მშობლებს ყველაფრის ხალისი გაუქრათ.“

„სპორტალ.ჯი“