“გირჩის” წევრი, იაგო ხვიჩია ეხმიანება საზოგადოების რეაქციას, რომელიც მის განცხადებას მოჰყვა.
“გამარჯობა,
ჩემი აზრით, ძალიან უსამართლოდ მხვდება ტალახი. მე კი უსამართლობა არ მევასება. მე რო მექცევიან უსამართლოდ, მით უმეტეს.
ჩემი ძველი მეგობრები რო მექცევიან უსამართლოდ კიდევ უფრო არ მევასება. იმიტომ კი არა, რომ ოდესმე იმ პოზიციას დავთმობ რაც სწორი მგონია. ჰო და სწორი მგონია დავიცვა ერთი ადამიანი, თუ მას უსამართლოდ სჯიან. ამას გავაკეთებ, თუნდაც მთელი სამყარო შეითქვას ჩემ წინააღმდეგ.
მე ამ საქმეში ვარ 100% მართალი და ეს მერამდენე შემთხვევაა რაც ტყუილი დამაბრალეს და ტალახი მესროლეს. ახლა ეს ძალიან მაწუხებს და მინდა საჯაროდ შევთავაზო ნებისმიერ ადამიანს ცივილური დისკუსია. რატომ მესვრით ტალახს?
ვთხოვ მედია საშუალებებსაც მომცენ საშუალება პასუხი გავცე ნიაღვარს რაც სრულიად უსამართლოდ წამოვიდა ჩემ მიმართ და რომელსაც აქვს კამპანიური შინაარსი. სინამდვილეში, ძალიან მარტივად არის საქმე, მე მჯერა, რომ არ შეიძლება ადამიანის ციხეში ჩასმა მიუხედავად იმისა თუ რა ნახა და სხვას მოუყვა ამის შესახებ.
მე ამის მართლა მჯერა. ჩემთვის ეს ტალახის კამპანია შანსია საზოგადოებას ავუხსნა როგორ ვუყურებ ადამიანს და მის თავისუფლებას. ესეთია ადამიანის თავისუფლების ჩემეული გაგება. ამის გამო მეძახიან პედოფილიის მხარდამჭერს და ადამიანურად გთხოვთ მომცეთ საშუალება პასუხი გავცე უნამუსო ცილისმწამებლებს. კარგი იქნება დისკუსია ამ თემაზე, საჯარო საუბარი და აზრთა გაცვლა გამოცვლა, მე მზად ვარ ყველა დისკუსიაში მივიღო მონაწილეობა და თუ დამარწმუნებენ რო შევცდი, ბოდიში მოვიხადო. თვალებში მინდა ჩავხედო იმ ხალხს ვინც პედოფილიის მხარდამჭერს მეძახის.
დიდი მადლობა წინასწარ.”
შეგახსენებთ, მან რამდენიმე დღის წინ თქვა:
“შსს-ს ინფორმაციით, მას ბრალად ედება არასრულწლოვნის გამოსახულების შემცველი პორნოგრაფიული ნაწარმოების შეძენა, შენახვა, ფლობა და ასეთი ნაწარმოებით სარგებლობა.
ანუ?
პორნო გადმოწერა, დაასეივა, ერთხელაც გადაწყვიტა ესარგებლა და დაიჭირეს?
სულ გააფრინეს”
ცნობისთვის, დააკავეს 1977 წელს დაბადებული 43 წლის ე.რ.
მას ბრალად ედება წინასწარი შეცნობით არასრულწლოვნის გამოსახულების შემცველი პორნოგრაფიული ნაწარმოების შეძენა, შენახვა, ფლობა და სარგებლობა.
დანაშაული 5-დან 10 წლამდე ვადით თავისუფლების აღკვეთას ითვალისწინებს.
კომენტარები