აშშ-ის სააგენტო საერთაშორისო განვითარებისთვის – USAID – სახელმწიფო დეპარტამენტს დაექვემდებარება და სამუშაო ძალას მნიშვნელოვნად შეამცირებს, თუმცა ჰუმანიტარულ ფუნქციას კვლავ შეინარჩუნებს – ამის შესახებ ინფორმაციას CBS News ტრამპის ადმინისტრაციის წარმომადგენლებზე დაყრდნობით ავრცელებს.
გამოცემის ცნობით, ჯერ კიდევ მიმდინარეობს დისკუსია დაფინანსების შემცირების შესახებ.
დონალდ ტრამპმა USAID-ის დირექტორის მოვალეობის შემსრულებლად სახელმწიფო მდივანი, მარკო რუბიო დანიშნა. მანამდე, კონგრესისთვის გაგზავნილ წერილში რუბიო აღნიშნავდა, რომ სახდეპის საგარეო დახმარების დირექტორი, პიტერ მაროკო, USAID-ში დირექტორის მოადგილის პოსტს დაიკავებს დაა “დაიწყებს USAID-ის აქტივობის გადახედვასა და პოტენციურ რეორგანიზაციას, ეფექტიანობის გაზრდის მიზნით”.
USAID-ისა და სახდეპის განვითარება სამართლებრივ კითხვებს ბადებს. USAID 1961 წელს, კონგრესის აქტით დაფუძნდა, შესაბამისად, პრეზიდენტს მის გასაუქმებლად ასევე კონგრესის თანხმობა სჭირდება.
USAID ჰუმანიტარულ, უსაფრთხოებისა და განვითარების პროგრამებს 120 ქვეყანაში ავითარებს. ამასთან, საგარეო დახმარება აშშ-ის ფედერალური ბიუჯეტის 1%-ით ფინანსდება.
კომენტარები