“უნდა გამოვიდეთ და დავიწყოთ პროცესი, რომელიც უნდა დასრულდეს ქვეყნის დეოლიგარქიზაციით” – ნიკა მელია

“ენმ”–ის თავმჯდომარე, ნიკა მელია:

ჩვენ აქამდე მივედით ხელისუფლების ინტენსიური, მონდომებული საბოტაჟის შედეგად და საბოტაჟი რამდენიმე ნაწილისგან შედგებოდა: როგორ ფორმაში შეხვდა ქვეყანა ამ ისტორიულ მომენტს, ძალადობრივი და პრობლემური არჩევნები, კლანი სასამართლოში, ზეწოლა მედიაზე, პოლიტიკური დევნა და ტოტალური კორუფცია. უფრო მეტიც, ხელისუფლებამ დაჩქარებული წესით საგანგებოდ, ევროკომისიის გადაწყვეტილებამდე რამდენიმე კვირით ადრე, სპეციალურად პროცესის საბოტაჟისთვის დააჩქარა მკაფიო პოლიტიკური დევნის აქტის განხორციელება და დააკავა ნიკა გვარამია…

ქვეყნის ევროინტეგრაციის საბოტაჟის შედეგია რომ დღეს საქართველო დგას რეალური და დიდი საფრთხის წინაშე, აღმოჩნდეს ევროპული განვითარების მიღმა. ილუზიაა ფიქრი იმნაზე, რომ მთავრობამ არასაკმარისად იმუშავა ან კომპეტენცია არ ეყო. მთავრობამ იმუშავა და კომპეტენციაც ჰქონდა, მაგრამ იმუშავა საპირისპირო მიმართულებით. დღეს ჩვენ მიუხედავად ამ ყველაფრისა ისევ გვაქვს განვითარების შესაძლებლობა და შანსი. დღეს ისევ უცვლელია ერთი რამ, ოცნებისთვის დაუძლეველი ფაქტორი – ქართველი ხალხის შინ ევროპულ ოჯახში ისტორიული დაბრუნების მტკიცე ნება და ისტორიული არჩევანი.

ახლა ჩვენი, ქართველი ხალხის ჯერია. უნდა გამოვიდეთ და დავიცვათ ჩვენი ისტორია, ჩვენი აწმყო და მომავალი… ჩვენ უნდა გავთავისუფლდეთ ოლიგარქისგან. ვიკრიბებით 20 ივნისს, 20 საათზე. დავიწყოთ პროცესი, რომელიც უნდა დასრულდეს ქვეყნის დეოლიგარქიზაციით”