,, უნდა დაასაბუთონ, რომ არსებობს მტკიცებულებები, რითიც მათი დევნა დასტურდება“ – არჩილ გამზარდია

ანალიტიკოსი არჩილ გამზარდია:

,,სამართლებრივად, რუსეთის მოქალაქეებს არც ლტოლვილის სტატუსი აქვთ და არც თავშესაფარს ითხოვენ.

ისინი, უბრალოდ, შემოდიან.

თავშესაფრის მოსათხოვნად მათ სჭირდებათ დასაბუთება, მაშინ პოლიტიკური თავშესაფარი უნდა მოითხოვონ და ეს დაასაბუთონ ან ასევე დაასაბუთონ, რომ არსებობს მტკიცებულებები, რითიც მათი დევნა დასტურდება.

სხვა შემთხვევაში არანაირი თავშესაფარი არ ეკუთვნით, არც რუსეთის მოქალაქეებს, არც სხვა ქვეყნის მოქალაქეებს.

ისინი შემოდიან ტურისტებად და აქ საფრთხეების გაზომვა ძალზე რთულია.

ამიტომაა საჭირო ან მოქალაქეობის / ბინადრობის მინიჭების წესის გამკაცრება და/ან არამშვიდობიან პერიოდში ტურისტული ქვეყნების “გაწითლება” – გართულება, რომ ნაკადების კონტროლის მექანიზმი არსებობდეს.

“ახეჯაკოვებიც” რუსეთის მოქალაქეებია და ვინმე დივერსანტებიც. ამის გამიჯვნა უნდა მოხდეს. ეს არის მნიშვნელოვანი.

თორემ ვიზების შემოღებაც მხოლოდ შეამცირებს მცირედად ნაკადს, თუმცა, არსებითად ვერც ის შექმნის კონტროლის საკმარის მექანიზმს.”