კორონაპანდემიის გამო უმუშევრად დარჩენილი მოსახლეობის ნაწილი სპეციალურ საიტზე დარეგისტრირებას ვერ ახერხებს.
მათი თქმით, ჯანდაცვის სამინისტროს ოფიციალურ ვებ-გვერდზე ინფორმაციას ავსებენ, თუმცა რეგისტრაციას მაინც ვერ გადიან.
“მე გახლავართ ადამიანი, რომელსაც 2020 წლის თებერავალში ჩაერიცხა ბოლოს ხელფასი და ვარ შემოსავლების სამსახურში რეგისტრირებული, თუმცა გუშინ შემთხვევით ელექტრონული რეგისტრაციის ველში აღმოვაჩინე რომ მე ვარ დასაქმებული და აქედან გამომდინარე ვერ მოვხვდები ამ სიაში” – ამბობს სოფია ბერიძე მთავართან.
პრობლემებზე საუბრობენ ტაქსის მძღოლებიც. მათი თქმით, კომენდანტის საათის გამო ღამის გათენება ქუჩაში უწევთ, რადგან 9 საათამდე სახლში დაბრუნებას ვერ ასწრებენ:
“საიტი, რომელიც ჯანდაცვის სამინისტრომ გაავრცელა, ვერ ახერხებენ ამ საიტით სარგებლობას, ვერ ახრეხებენ რეგისტრაციას და გარკვეული მათგანისთვის არის სრულიად გაუგებარი როგორ უნდა მოხდეს მსგავსი ტიპის განცხადების შევსება. არის ძლიან ბევრი ისეთი მძღოლი, რომელსაც უბრალოდ ფიზიკურად არ შეუძლია, არ ესმის და არ იცის ინტერნეტით სარგებლობა” ამბობს “მთავართან” საუბარში “ტაქსი ქლაბ ჯორჯიას” დამფუძნებელი მერაბ კაჭარავა.
კომენტარები