საქართველოში უკვე რამდენიმე დღეა, კორონავირუსით ინფიცირების ყოველდღიური მაჩვენებლი ოთხნიშნა რიცხვია, დღეს ქვეყანაში 1759 ახალი შემთხვევა დაფიქსირდა, ჯამში ინფიცირებულია 24562 ადამიანი.
ინფიცირების მატების გამო საქართველომ ყვითელი ზონიდან, წითელ ზონაში გადაინაცვლა, ამის შესახებ დაავადებათ კონტროლის ეროვნული ცენტრის ხელმძღვანელმა ამირან გამყრელიძემ 23 ოქტომბერს მთავრობის ადმინისტრაციაში გამართულ ბრიფინგზე განაცხადა.
„ეპიდემიის დაწყებიდან დღემდე მილიონ მოსახლეზე საერთო მაჩვენებელი კარგი და ერთ-ერთი საუკეთესო გვაქვს. მაგრამ რაც ითვლება ბოლო ორი კვირის განმავლობაში 100 000 მოსახლეზე გვაქვს 26, ამიტომ ჩვენი შიდა შუქნიშნის მიხედვით, ჩვენ ნარინჯისფერიდან გადავედით წითელ ზონაში“, – განაცხადა ამირან გამყრელიძემ.
„კორონავირუსის სამფეროვანი შუქნიშნის“ პრინციპი ასეთია: მწვანე, ყვითელი და წითელი ზონები, რაც ინციდენტობის მაჩვენებლებს ებმის.
?„მწვანე ზონა“ გულისხმობს ორკვირიან შუალედში 100 000 მოსახლეზე 10-მდე ინფიცირებულს;
?„ყვითელი ზონა“ გულისხმობს ორკვირიან შუალედში 100 000 მოსახლეზე 10-დან 30-მდე ინფიცირებულს;
?„წითელი ზონა“ გულისხმობს ორკვირიან შუალედში 100 000 მოსახლეზე 30-ზე მეტ ინფიცირებულს.
კომენტარები