ლუცკის ცენტრში, სადაც შეიარაღებულმა პირმა ავტობუსის მგზავრები მძევლად აიყვანა, რამდენიმე აფეთქება მოხდა. ადგილობრივი მედიის ცნობით, დროდადრო ისმის სროლის ხმაც.
წინასწარი ინფორმაციით, აფეთქდა ხელყუმბარები, თუმცა არაა გამორიცხული, რომ ეს თვითნაკეთი ასაფეთქებელი მოწყობილობა ყოფილიყო, რომელიც ავტობუსიდან შეიარაღებულმა მაქსიმ კრივოშმა ისროლა.
უკრაინაში, ქალაქ ლუცკში შეიარაღებულმა პირმა ავტობუსის მგზავრები მძევლად აიყვანა. გავრცელებული ინფორმაციით, ბოროტმოქმედი შეიარაღებულია და მას ასაფეთქებელი ნივთიერებაც აქვს. სამართალდამცველებმა ქალაქის ცენტრი გადაკეტეს. ადგილზე პოლიციისა და სპეცსამასახურების ძალებია მობილიზებული. პოლიციის ინფორმაციით, ავტობუსში ოცი ადამიანი იმყოფება.
კომენტარები