,,უკრაინის ომის დაწყების დღიდან გეუბნებიან, რომ ომსა და მშვიდობას შორის დგას მხოლოდ ბიძინა ივანიშვილი“ – ლევან ღამბაშიძე

ფილოსოფოსი ლევან ღამბაშიძე:

,,უკრაინის ომის დაწყების დღიდან გეუბნებიან, რომ ომსა და მშვიდობას შორის დგას მხოლოდ ბიძინა ივანიშვილი.

არ გეუბნებიან კონკრეტულად რა მეთოდებით აკავებს ომს. არ გეუბნებიან რა უნდა ვქნათ, თუკი ის ნაადრევად დაგვტოვებს, არ გეუბნებიან ვინმე სხვა თუ ფლობს მსგავს ცოდნას, რომ მისი ჩანაცვლება მოვახერხოთ.

ანუ, პოტენციურად, საქართველოში მშვიდობა იქნება კიდევ, გაქაჩე-გამოქაჩე, ათი წელი. სუპერეგოისტები თუ არ ხართ, თქვენს მშვიდობიან ათწელზე ზრუნავთ და შვილებს გადააბარებთ უკვე ომში მყოფ საქართველოს? როგორ უზრუნველჰყოფთ, რომ ივანიშვილის მერე ომი არ დაიწყება? მარტივად გეტყვით – ფეხებზე გკიდიათ.

ჩვენ ათწლიანი მშვიდობა კი არ გვინდა, არამედ მარადი. მშვიდობა რომელიც დამყარებულია ან ჩვენი სახელმწიფოს ძლიერებაზე, ან იმ კოალიციის ძლიერებაზე, რომლის წევრიც ვართ. სხვანაირი მშვიდობა არ არსებობს. სხვანაირ მშვიდობას ჰქვია დანებება და კაპიტულაცია. კი, თუ არავის არ შევებრძოლებით, არავინ მოკვდება. ოღონდ ეს არ იქნება ჩვენი მშვიდობა, ეს იქნება დამპყრობლის მშვიდობა, რომელიც ავტომატურად გულისხმობს ჩცვენს ჩაგვრას. სუპი გექნება, მაგრამ დაჩაგრული იქნები.

და ზოგადად, ძალიან შორს არსებულ მომავალზე. ფიქრს რომ შევეშვათ, როდესაც გეუბნებიან რომ ომის ზღვარზე ვართ, როდის აქეთ არის გატრუნვა პასუხი ამ საშიშროებაზე? როდესაც გეუბნებიან რომ ომის ზღვარზე ვართ, ლოგიკური არ არის რომ ქვეყანამ დაიწყოს შეიარაღება, დაიწყოს ძლიერი მოკავშირეების ძებნა, დაიწყოს საზოგადოების მომზადება? სამაჩაბლოში დრონები ჩაიტანეს, აფხაზეთში ჰაერსაწინააღმდეგო სისტემებით აგდებენ დრონებს, აზერბაიჯანში აფეთქებებია და ამ დროს იპოდრომის პარკის მშენებლობა, მარუნ ფაივის კონცერტი და კვერცხზე დაკლებული ხუთი პროცენტია თქვენი ძირითადი საზრუნავი? ჰოპ და გადაბრუნდა ყველაფერი, იაფად ნაყიდ კვერცხებს ვესვრით მტერს?

რანაირად გჯერათ მთელი იმ აბსურდის, რასაც რეჟიმი აჟღერებს? რანაირად გჯერათ, რომ უკრაინაში რომ ომი დასრულდება, ჩვენთან ომის საფრთხე მოიხსნება? რანაირად? აფხაზეთი და სამაჩაბლო ავტომატურად გვიბრუნდება? და თუ არა, რუსეთი ცვლის ჩვენს მიმართ პოლიტიკას და დანარჩენი საქართველოს ოკუპაციას აღარ განაგრძობს?

მართლა მცირედი დაფიქრება და სწორი შეკითხვების დასმაა საჭირო, რომ ჭეშმარიტება დაინახო. ამისთვის კი პირველ რიგში შიშია დასამარცხებელი. ომის შიში, ოპოზიციის შიში, გაგევების შიში… სულ შიშებში გაცხოვრებენ და იქნებ მიხვდეთ რატომაც. ეგ შიშია კარიბჭე, რომლის მიღმაც სიმართლეა და სანამ შიშს არ დაძლევთ, მუდამ იმ ტყუილში იცხოვრებთ, რომელშიც საქართველოს ომს ვერავინ დაუწყებს, რომ საქართველოში ასნიშნა ეკონომიკური ზრდაა და ყველა კარგად ცხოვრობს და რომ შვედეთი და ბრიტანეთი გადაშენების პირასაა. სირცხვილია ამ ყველაფრის დაჯერება. უბრალოდ სირცხვილი.“