უკრაინის არმია მზადაა და შეუძლია ტერიტორიების დაბრუნება, რუს ჯარისკაცებს აქვთ საკვების, საწვავის პრობლემა, რამდენიმე გაიყინა – პენტაგონი

აშშ-ის თავდაცვის დეპარტამენტის პრესსპიკერი, ჯონ კირბი საგანგებო ბრიფინგზე ამბობს:

“რუსეთმა საბრძოლო ძალების 10%-ზე მეტი დაკარგა. რუსული საბრძოლო ძალების რაოდენობა 90%-ზე ნაკლებია. 150 ათას სამხედროზე მეტი, რომელიც შეჭრამდე უკრაინის საზღვრებთან იყო მობილიზებული, სრულად სამხედრო ძალას არ წარმოადგენს. მათი დიდი ნაწილი დამხმარე ფუნქციას ასრულებს.

რუსულ ჯარს აქვს მომარაგების, საკვების, საწვავის, ლოგისტიკის პრობლემები. ცივი ამინდისთვის შესაბამისი ეკიპირების არქონის გამო, რამდენიმე რუსი ჯარისკაცი გაიყინა. უკრაინა მომარაგების მხრივ, კარგად მოემზადა. 

უკრაინის არმია მზად არის და შეუძლია ტერიტორიების დაბრუნება უკრაინას ახლა შეუძლია და სურს დაიბრუნონ ტერიტორიები, რომლებიც რუსებმა აიღეს”, – განუცხადა ოფიციალურმა წარმომადგენელმა ჟურნალისტებს და დასძინა, რომ უკრაინული ჯარები აგრძელებენ თავიანთ ქალაქების დაცვას ”ძალიან მოხერხებული, სწრაფი გზით. .”

აღმოსავლეთით მდებარე ქალაქ იზიუმზე, რომელიც რუსებმა აიღეს, ახლა მნიშვნელოვანი ბრძოლაა  უკრაინელების მხრიდან და მცდელობებია მის უკან დასაბრუნებლად, სამხრეთით, უკრაინელები ასევე იბრძვიან ხერსონის დასაბრუნებლად და ცდილობენ რუსული ჯარების განდევნას მიკოლაივის ჩრდილოეთით მდებარე ტერიტორიებიდან.

კრემლის ძალები ძირითადად გაჩერებულია – განსაკუთრებით კიევის გარშემო.

ყველა სიახლე არ არის დადებითი უკრაინელებისთვის, რადგან მძიმე დაბომბვა გაგრძელდა ბევრ რაიონში, მათ შორის ალყაში მოქცეული საპორტო ქალაქ მარიუპოლისთვის, რომლის სროლაც რუსულმა გემებმა აზოვის ზღვიდან დაიწყეს.

“ჩვენ ვაგრძელებთ თვალყურს ადევნებთ მთელ რიგ რუს ძალებს ქალაქის შიგნით. ვფიქრობთ, რომ ზოგიერთი მათგანი მაინც სეპარატისტული ძალებია, რომლებიც დონბასიდან ჩამოვიდნენ და ისევ, უკრაინელები ძალიან, ძალიან იბრძვიან იმისათვის, რომ მარიუპოლი არ დაეცეს”, – განაცხადა ოფიციალურმა წარმომადგენელმა.