ჟურნალისტი, ნენე დალაქიშვილი:
“ამ ბოლო დროს, ორჯერ შემემთხვა და უნდა მოვყვე.
მგონი, ქოცების ფეისბუქის არმცოდნე ტროლებმა საზოგადოებრივ ტრანსპორტში და ქუჩაში დაიწყეს ანტიუკრაინული ქადაგება.
რამდენიმე დღის წინ, ავტობუსში ასაკოვანი კაცი ამოვიდა, არავის, კაციშვილს არაფერი უკითხავს, ისე დაიწყო :
უკრაინელები მაგარი ხალხია, მაგრად იბრძვიან, მაგრან პრეზიდენტი ყავთ ნაძირალა, ბავშვებს ახოცინებს.
ის კაცი ჩაიქოლა.
დღეს, უკრაინელ გოგოსთან და დედამისთან ერთად ძველ თბილისში მივდიოდი. ამ გოგოს დედას ჩანთაზე უკრაინული დროშა ჰქონდა.ასაკოვანი ქალი მოგვადგა.
“ვი ატკუდა”?
უკრაინელები არაინთქო.
ამ გოგოს დედას გაუბა საუბარი, რა ხდება იქო.
რა უნდა ხდებოდეს, ომია, ხალხი იხოცება, რუსეთს ვძულვართ და გენოციდს გვიწყობსო.
“და ძეწეი ჟალკა, პუწინ პლახოი ჩელავეკ, ნო ს ნიმ მოჟნა ბილა დაგავარიცა, ნო ეტატ ზელენსკი, ონჟე ბილ კლოუნამ, ონ მოგ ტაკ სძელაწ, შტობ ვაინა ნე ნაჩალას” – უკრაინელ ქალს ეუბნება ეს ქართველი ქალი. უკრაინელს ეუბნება, შენი პრეზიდენტი კლოუნია და ბავშვებს ახოცინებსო.
ამ ქალმა, რას კადრულობთ, ონჟე მალაძეცო. აბა რა უნდა გვექნა, არ უნდა გვეომაო? (ამ ქალის ქმარი უკრაინაშია და ერთ-ერთ ქალაქში, რომელიც მუდმივად იბომბება, ელექტროსადგურზე მუშაობს, არ ტოვებს იქაურობას).
მეთქი, ქალბატონო, თქვენ ახლა პუტინს და ზელენსკის ერთ სიბრტყეზე რომ აყენებთ, თუ ხვდებითთქო და კიო, ორივე ერთი ბოროტებაა, უბრალოდ პუტინი ოდნავ განათლებულიაო.
პუტინი განათლებულიაო, ხალხოო.
ხოოდა, გადავდგი ეს ჩემი უკრაინელი ნაცნობი უკან და ამ ქალს კარატე ჩავუტარე. ბოლოს მახსოვს, უკრაინელი ჩადგა შუაში. თან არც მიდიოდა, აგრძელებდა ლაპარაკს.
კაი, ამათ მე ვახლდი და ვერაფერს გახდა, წარმოიდგინეთ, მარტო რომ გამოიჭერს ვინმე უკრაინელს, იმას რაებს ეტყვის.
ომს გამოქცეულ, ტრავმირებულ ადამიანებს ზემოდან წიხლს აჭერენ და დარწმუნებული ვარ, ცოტანი არ არიან.”
კომენტარები