უკრაინაში რუსეთის სრულმაშტაბიანი ომის დაწყების შემდეგ, უკრაინის პრეზიდენტი ვოლოდიმირ ზელენსკი მკვლელობას 12-ჯერ გადაურჩა, – ამის შესახებ საკუთარ წიგნში დოკუმენტალისტი მწერალი, კრის უიპლი, უკრაინელ მაღალჩინოსნებზე დაყრდნობით წერს.
გამოცემა Indepentent კრის უიპლიზე დაყრდნობით წერს, რომ რუსეთის ინტერვენციამდე უკრაინაში ვიზიტისას აშშ-ის ცენტრალური დასაზვერვო სააგენტოს დირექტორი უილიამ ბერნსი პრეზიდენტ ზელენსკის აფრთხილებდა, რომ რუსეთი მის მოკვლას გეგმავდა.
ასევე უიპლის ინფორმაციით, ბაიდენმა ბერნს დაავალა, რომ ზელენსკისთვის რუსეთის შეთქმულებების ზუსტი დეტალები მიეწოდებინა. გარდა ამისა, უიპლის ცნობით, ამ ინფორმაციამ ზელენსკი “გამოაფხიზლა”. ავტორის ინფორმაციით, მკვლელობის მცდელობებიდან ორის აღკვეთა შესაძლებელი სწორედ ბერნსის მიერ უკრაინული მხარისთვის გაზიარებული სადაზვერვო ინფორმაციის დახმარებით აღმოჩნდა.
„მთავარი არხი“
კომენტარები