უკრაინაში ომის დაწყებიდან დღემდე 191 ბავშვი დაიღუპა და 349 ბავშვი დაშავდა. ინფორმაციას უკრაინის სახალხო დამცველი ლუდმილა დენისოვა ავრცელებს.
„13 აპრილის 08:00 საათის მდგომარეობით უკრაინაში რუსეთის შეჭრიდან დღემდე 191 ბავშვია დაღუპული, 349 კი დაშავდა. დაღუპული და დაჭრილი ბავშვების რეალური რაოდენობის დადგენა შეუძლებელია იმის გამო, რომ რუსული ჯარები აქტიურად იბრძვიან უკრაინის ქალაქებში“, – აღნიშნულია ომბუდსმენის მიერ გავრცელებულ ინფორმაციაში.
დენისოვას ინფორმაციით, ყველაზე მეტად დაზარალდნენ დონეცკის ოლქში, კიევში, ხარკოვში, ჩერნიგოვში, ნიკოლაევში, ლუგანსკში, ზაპოროჟიეში, ხერსონსა და ჟიტომირში.
კომენტარები