უკრაინაში გარდაცვლილი ვანო ნადირაძის დედა განცხადებს ავრცელებს. ანა მაღრაძე საპატიო ყარაულის არ დახვედრის თემას ეხმაურება და წერს, მის შვილს ღირსეულად დახვდა საზოგადოება და ეს საპატიო ყარაულზე მეტი იყო მისთვის.
მისივე თქმით, ის “არ მოელოდა, რომ საპატიო ყარაულს დაახვედრებდნენ და არც სჭირდებოდა“.
“ჩემ მართალ გმირ შვილს დახვდა მართალი, საკმაო რაოდენობის ხალხი, გულწრფელი გულშემატკივრები“,-წერს მაღრაძე.
ჩვენო გულშემატკივრებო, მე აქ წავიკითხე რომ წყენას გამოხატავთ, ვანოს საპატიო ყარაულით არ დახვდნენო, მე ამას არც მოველოდი და არც მწყენია, რაც მთავარია, თქვენ ყველა ღირსეულო ადამიანებო, ვინც იქ დახვდით ჩემ ღირსეულ შვილს ღირსეულად, ჩემთვის საპატიო ყარაულზეც მეტი იყავით, ყველას დიდი მადლობა.
მისმა თანამებრძოლებმა, სწორ მხარეს მდგარმა ხალხმა ხელით, საკუთარი მხრებით, საკმაო მანძილზე გამოიყვანეთ ჩემი შვილი და სახლამდე ცრემლით მოაცილეთ ყველამ ერთად
ჩემ მართალ გმირ შვილს დახვდა მართალი, საკმაო რაოდენობის ხალხი, გულწრფელი გულშემატკივრები, რომლებიც ჩემთვის საპატიო ყარაულზეც მეტი ხართ.
ვიმეორებ, მე საპატიო ყარაულს არც მოველოდი და არც მჭირდებოდა. უკრაინამ ღირსეულად გამოაცილა ჩემი გმირი შვილი და თბილისის ლასარეს ტერმინალზე უამრავი ღირსეული ხალხი დახვდა, ჩემ ღირსეულ გმირ, მამაც, შეუპოვარ შვილს.
ის იბრძოდა საქართველოში და უკრაინაში გმირულად. მადლობა ამისთვის ჩემ ვანოს და თქვენ ყველას, ვინც იცით ასეთი გმირების ფასი,- წერს ნადირაძის დედა.
უკრაინაში დაღუპული ვანო ნადირაძის ცხედარი კიევიდან თბილისში ჩამოასვენეს. ქართველი მეომრის ცხედარს თბილისში ნადირაძის მეგობრები, ოჯახის წევრები, მოქალაქეები და თანამებრძოლები დახვდნენ.
ვანო ნადირაძისთავდაცვის სამინისტრომ პატივის მისაგებად საპატიო ყარაული არ დაახვედრა.
კომენტარები