სამეგრელოში გლოვაა – სოფელ ინგირში დილიდან უკრაინაში გმირულად დაღუპული ქართველი მებრძოლის სამოქალაქო პანაშვიდი მიდის, 40 წლის მეომრის, რომელიც სიცოცხლის ბოლო დღემდე იბრძოდა რუსული აგრესიის წინააღმდეგ და უკრაინული მიწის დასაცავად.
გალიდან დევნილი ბაჩო ბულისკირია საკუთარ სახლშია დასვენებული, სამოქალაქო პანაშვიდს ესწრებიან ბულისკირიას მეგობრები და თანამებრძოლები. ქართველი მეომარი დონეცკის ოლქში იმყოფებოდა და სავარაუდოდ გულის შეტევით გარდაიცვალა.
როდესაც ომი დაიწყო, ეგრევე გაემგზავრა უკრაინაში. იმ დღიდან გარდაცვალებამდე იყო იქ. დაიჭრა კიდეც უკრაინაში, რის გამოც ფეხზე პრობლემა ჰქონდა, მაგრამ ის იმდენად განიცდიდა ამ ყველაფერს, ვერ გაჩერდა საქართველოში. ამბობდა, სადაც ჩემი ძმები არიან მეც იქ უნდა ვიყოო”, – ამბობს ოჯახის წევრი.
კომენტარები