უკრაინაში დაღუპული ქართველი მებრძოლი კახა გოგოლი მშობლიურ ფოთში, წუხელ, გვიან ღამით გადაასვენეს. მანამდე, მის ცხედარს თბილისის საერთაშორისო აეროპორტში ოჯახის წევრები და ახლობლები დახვდნენ.
ახლობლების ინფორმაციით, კახა გოგოლი უკრაინაში ომის დაწყების პირველივე დღეებში წავიდა. ის ლუგანსკის ოლქში იბრძოდა და რუსი ოკუპანტების საჰაერო თავდასხმისას დაიღუპა. მათივე ცნობით, ის აფხაზეთის ომშიც იბრძოდა. 48 წლის მებრძოლს 19 ივლისს, ფოთში სამხედრო პატივით დაკრძალავენ.
კომენტარები