რუსეთის აგრესიის გამო, უკრაინა უკვე 1 მილიონზე მეტმა ბავშვმა დატოვა. მონაცემები გაეროს ბავშვთა ფონდმა ( UNICEF ) გამოაქვეყნა. საერთაშორისო ორგანიზაციის ანგარიშის მიხედვით, პატარა უკრაინელების უმეტესობა ოჯახებთან ერთად პოლონეთში, უნგრეთში, სლოვაკეთში, მოლდოვასა და რუმინეთში გაიქცა.
„გაქცეული ბავშვების რაოდენობა შემაძრწუნებელია, რაც ცხადყოფს, თუ რამდენად შემაშფოთებელი სიტუაციაა უკრაინაში. ბავშვები ტოვებენ ყველაფერს, რათა უსაფრთხოდ იყვნენ – ეს გულსატკენია“, – განაცხადა აფშან ხანმა, გაეროს ბავშვთა ფონდის ევროპის და ცენტრალური აზიის რეგიონულმა დირექტორმა.
ფონდი პარტნიორებთან თანამშრომლობით აპირებს სამედიცინო ნივთების მიწოდებას ომის შედეგად დაზარალებული 22 საავადმყოფოსთვის, უკრაინის 5 სხვადასხვა ნაწილში, რათა დაეხმაროს 20 000 ბავშვსა და დედას. ფონდი, ასევე, მუშაობს სხვა საკითხებზე, რითაც ისინი დახმარებას შეძლებენ.
კომენტარები