ევროპის სუპერ თასის მატჩი რუსეთში აღარ გაიმართება. ევროპის ფეხბურთის ასოციაციების კავშირის (UEFA) აღმასრულებელი კომიტეტის მიერ 25 იანვარს, შვეიცარიაში მიღებული გადაწყვეტილებით, 16 აგვისტოს მატჩი გაიმართება არა რუსეთის ქალაქ ყაზანში, არამედ საბერძნეთის დედაქალაქ ათენში, “გეორგიოს კარაისკაკისის“ სტადიონზე. ამ გადაწყვეტილების მიზეზიც უკრაინაში რუსეთის შეჭრა და იქ გაჩაღებული ომია.
შეგახსენებთ, სუპერთასის ყოველწლიურ, საფეხბურთო მატჩში ერთმანეთს ხვდებიან UEFA-ს ჩემპიონთა ლიგის და ევროპა ლიგის გამარჯვებული გუნდები. რუსეთმა ქალაქ ყაზანის სტადიონზე ამ შეხვედრის მასპინძლობის უფლება 2020 წელს მოიპოვა.
მიმდინარე სეზონის ჩემპიონთა ლიგისა და ევროპა ლიგის გამარჯვებულები ერთმანეთს ევროპის სუპერთასისთვის 16 აგვისტოს დაუპირისპირდებიან.
კომენტარები