დმანისისა და აგარაკ-ტაშირის მთავარეპისკოპოსმა, ზენონ იარაჯულმა ჟურნალისტების კითხვას, აუცილებელი იქნება თუ აარა თეოლოგიური დიპლომი პატრიარქობისთვის, ასე პასუხობს:
განათლება აუცილებელია, მაგრამ თუ კანდიდატი იმდენად მისაღებია და იმდენად აკმაყოფილებს ამ იდეას, იქ რა თქმა უნდა, გამონაკლისი არსებობს. თუ უმრავლესობა ასე მიჩნევს, რომ ეს ადამიანი აკადემიურ განათლებას თვითნასწავლობით აღემატება…
მღვდელმთავრები არიან, რომელთაც შესაძლოა არ ჰქონდეთ სასულიერო განათლება, მაგრამ პატრიარქიც მღვდელმთავარია და თუ მღვდელმთავრობა შეიძლება, პატრიარქობა რატომ არ შეიძლება? თბილისში რატომ არ შეიძლება იყოს უდიპლომო და რატომ შეიძლება მაგალითად რუსთავში იყოს, ან ქუთაისში? _ განაცხადა მეუფე ზენონმა.
მაქსიმუმ რა ასაკის უნდა იყოს და განათლების რა ხარისხი უნდა ჰქონდეს პატრიარქობის კანდიდატს – დიდი ალბათობით, სწორედ ამის შესახებ იმსჯელებენ დღეს სინოდის წევრები.
სასულიერო პირების ერთი ნაწილი ფიქრობს რომ საპატრიარქო ასაკს ორი წელი უნდა დაემატოს.
კომენტარები