„გერთულება სხვას აპატიო?! ასეა, შენც რთულად, ან საერთოდ არ გეპატიება!“ – დეკანოზი პეტრე კოლხი მრევლს შეახსენებს, რომ მარტო ეკლესიაში სიარულით და წესების დაცვით ადამიანი მორწმუნე ვერ გახდება.
“უაზრო მარხვით, თვითნებური ასკეტიზმით, ტაძარში დაოთხილი სიარულით და ზიარების რიგში დგომით, ქრისტიანი ვერ გახდები, თუ ბოღმას, აგრესიას, შურისძიების წყურვილს ვერ მოერიე და ცხოვრების წესით არ გახდი მართლმადიდებელი…
რატომ გვაქვს ამდენი პრობლემა?! იმიტომ, რომ რწმენას ვიბრალებთ და ურწმუნოებზე უარესად ვიქცევით…
ვისაც უყვარხარ, ის გიყვარდეს, ფარისევლობაა… ვინც გული გატკინა, მას რომ დაინდობ, მაშინ შეიძლება თავს სახარების მიმდევარი უწოდო…
ქრისტეს არ სჭირდება ფსალმუნების დაზეპირება, კელაპტრების აბრიალება, თუ ქრისტეს შვილის განადგურება და მიწასთან გასწორება განიზრახე… ასე ქრისტიანები არა, წარმართები იქცევიან!..
გერთულება სხვას აპატიო?! ასეა, შენც რთულად, ან საერთოდ არ გეპატიება!…”, – წერს პეტრე კვარაცხელია.
კომენტარები