„ტვ პირველმა“ დავალიანება დაფარა და ინკასო მოეხსნა“ – ვატო წერეთელი

სამაუწყებლო კომპანია „ტვ პირველის“ დამფუძნებლის, ვატო წერეთლის ინფორმაციით,  „ტვ პირველმა“ დავალიანება დაფარა და ინკასო მოხსნილი აქვს. ამის შესახებ ვატო წერეთელი სოციალურ ქსელში წერს და ფინანსთა მინისტრს ივანე მაჭავარიანს მოუწოდებს, რომ სახელისუფლებო არხებსაც გადაახდევინოს გადასახადები.

„ინკასო მოხსნილია. სესხით, არხისთვის მძიმე ტვირთით, თუ როგორ, ამას მნიშვნელობა არ აქვს. გადავიხადეთ. ვიცით თავისუფლების ფასი. ერთი ადგილიც გვაქვს დავიცვათ ჩვენი თავისუფლება და ვალშიც არავისთან ვრჩებით. ბატონო მინისტრო, როგორც თქვენ ბრძანებთ, ერთი ადგილია საჭირო. მოდით, დავიწყოთ „ჩელენჯი“ – „TV პირველი“ იხდის გადასახადებს და ვიწვევ სახელისუფლებო არხებს, გადაიხადონ მილიონები. ველოდები მინისტრის პრინციპულობას, რომ ყველას ჩაარიცხინებს ხალხის კუთვნილ ფულს ბიუჯეტში. ბატონო მინისტრო – წამზომი ჩაირთო!“ – წერს ვატო წერეთელი.