ადვოკატი, თორნიკე მიგინეიშვილი ამბობს, რომ TV პირველის ოპერატორს, ლაშა ჯიოშვილს დაკავებისას უფლებები არ გააცნეს, ხოლო სამმართველოში მიყვანამდე არ იცოდა რატომ იყო დაკავებული.
მიგინეიშვილის თქმით, ადვოკატებმა ოპერატორი უკვე მოინახულეს.
“ხალხმა, ხმაურმა, მედიამ, სწრაფმა რეაგირებამ გადაგვარჩინა რომ ის არ არის წამებისა და არაადამიანური მოპყრობის მსხვერპლი! უფლებები არ გააცნეს. სამმართველოში მიყვანამდე არ იცოდა რატომ იყო დაკავებული და ვის მიერ. არ დაარეკვინეს ადვოკატთან ან/და ოჯახთან. მოსთხოვეს ტელეფონის გახსნა. სახალხო დამცველის წარმომადგენელმა დააფიქსირა ოქმში რომ სამართალდამცავების მიერ ლაშას მისამართით იყო მუქარა. დაკავებისას არაპროპორციული ძალის გამოყენების გამო მარცხენა ხელზე აქვს სისხლჩაქცევა. პ.ს. პირველივე წუთებიდან გადაყვანილი იყო მუხიანის სამმართველოში და ჩვენ მიერ არაერთი ზარის მიუხედავად გვატყუებდნენ, რომ დაკავებული იქ არ იმყოფებოდა. პარალელურად, ლაშას ესმოდა ჩვენი ზარები”, – წერს მიგინეიშვილი.
შეგახსენებთ, რომ TV პირველის ოპერატორი, ლაშა ჯიოშვილი ნიღბიანებმა გუშინ გაიტაცეს.
კომენტარები