წყალსაც შეიძლება ჰქონდეს გვერდითი ეფექტი – ამირან გამყრელიძე

დაავადებათა კონტროლის ეროვნული ცენტრის დირექტორი ამირან გამყრელიძე:

ხშირად არის საუბარი გვერდით მოქმედებებზე, გვერდითი მოქმედება აქვს ყველა წამალს და ყველა ნივთიერებას. წყალიც კი, გარკვეული დოზით მიღებული, შეიძლება, მანაც შეიძლება გამოიწვიოს გვერდითი ეფექტი,

ვაქცინასაც აქვს, რა თქმა უნდა, გვერდითი ეფექტი, მაგრამ სარგებელი ვაქცინის მიერ არის ასჯერ, ათასჯერ, მეტჯერ მეტი, ვიდრე  მისი გვერდითი მოქმედება.

მთელ მსოფლიოში აცრილია დაახლოებით 359 მლნ ადამიანი, აცრის შემდგომი გართულებით არც ერთი ფატალური შედეგი არ არის. მაშინ როდესაც 120  მლნ ადამიანი დაავადდა კოვიდ ინფექციით და სამწუხაროდ, 2.6 მლნ ადამიანი, 2.2% ყველა ინფიცირებულისა, დაიღუპა.

ახლა აწონეთ და ავწონოთ სარგებელი და რისკი…

მომავალ 15 დღეში გვჭირდება დღეში 3000 აცრა მაინც, რომ ამ 43 000 დოზის ათვისება მოხდეს.

ეს ადამიანები მეორედ უნდა აიცრან 8-12 კვირის მანძილზე, შესაბამისად, 80 000 დოზა შემოდის აპრილის ოციდან და ამათთვისაც და კიდევ სხვა ჯგუფებისთვისაც საკმარისი დოზები იქნება.

ისევე როგორც, მარტის ბოლოს, აპრილის დასაწყისში, რამდენიმე ასეული ათასი დოზა ვაქცინებისა დამატებით, პირდაპირი მოლაპარაკებებით იქნება და ეს არეალი ჯგუფებისა, რომლებიც  ვაქცინაციას ექვემდებარებიან, თანდათანობით უფრო გაფართოვდება…”