აშშ-ში მცხოვრები ექიმი, ზურაბ გურული:
„წეღან ვფიქრობდი ჩემთვის …
დიდება შენს გამძლეობას და ნერვების სიმტკიცეს, პრეზიდენტო ზელენსკი, მიუხედავად იმისა, რომ ეს უბრალოდ გევალება, როგორც პრეზიდენტსა და უბრალოდ ადამიანს! არა გაქვს უფლება, რომ ამოთქვა ის, რისი თქმაც გულით გინდა იმათ მისამართით, ვინც უბრალოდ გაკვირდება ახლა გარედან და ხშირ-ხშირად იმეორებს, რომ არ ჩაერევა ამ დაუნდობელ ჟლეტაში.
ადამიანის არ იყოს, ქვეყნების ბედიც ასე ყოფილა, მხოლოდ საკუთარი თავის იმედი შეიძლება გქონდეს გადამწყვეტ მომენტში.
რკინის ნერვები გქონია.
და ამ დროს კომფორტშეკვეცილი რუსების შეგრძნებებზე და ემოციებზე მსჯელობენ…
მაროდიორობაა ეგ, მაროდიორობა.
ამას შედარებით წესიერი რუსებიც ხვდებიან. პრინციპში, შედარებით წესიერი კი არა, შედარებით გონიერი. პირდაპირ თქვა დიპლომატმა ანდრეი კოზირევმა CNN-თან ინტერვიუში, რომ უამრავ რუს თანამდებობის პირს შეუძლია მასიურად დატოვონ თანამდებობები საერთაშორისო ასპარეზზე პროტესტის ნიშნად და არ აკეთებენ. რომ პუტინის და ლავროვის წინააღმდეგ საკმარისი არ გაუკეთებია დასავლეთს.
ცინიკოსი და სადისტი ლავროვი რომ დიდებული დიპლომატია და საქართველო რომ იყო ომის პროვოცირების გამომწვევი, ასე იწყებოდა დღევანდელი ტრაგედია…“
კომენტარები