,, წინასწარ ვიცით, Happy End შეუძლებელია და ერთ დღეს დავემშვიდობებით” – სალომე სამადაშვილი

,,ლელოს” წევრი, სალომე სამადაშვილი:

,,სამწუხაროდ ეს დღეები ბევრი დროის გატარება მიწევს ვეტ კლინიკებში. ჩემი ძაღლი ავადმყოფობს. უკანასკნელ წლებში საგრძნობლად გაიზარდა ოჯახის ოთხფეხა წევრების რაოდენობა ჩვენს ქვეყანაში. ყველგან უამრავი პაციენტი ირევა, ყველგან რიგია, ყოველ ფეხის ნაბიჯზე იხსნება მათთვის ვეტ კლინიკები თუ მაღაზიები.

წინასწარ ვიცით, Happy End შეუძლებელია და ერთ დღეს დავემშვიდობებით…მაგრამ ადამიანის ლტოლვა უპირობო სიყვარულისკენ იმხელაა, რომ მაინც ვუხსნით ჩვენი სახლის და გულის კარებს. ვზრდით, გვიყვარს და ვუვლით, როგორც შეგვიძლია. ალბათ ‘როგორც შეგვიძლია’ არაა საკმარისი. საჭიროა, რომ ოთხფეხა ოჯახის წევრების აყვანას, თან სათანადო რეგულაციები ახლდეს.

დღეს პიტბულის დაკბენილ ბავშვზე გამახსენდა, მაგრამ აქ კონკრეტული ჯიშის აკრძალვაზე არაა საუბარი, არამედ იმაზე, რომ მეტი პასუხისმგებლობა ვიგრძნოთ ჩვენი სოციალური სივრცის ოთხფეხა წევრებზე და მათ ცხოვრებაზე.

P.S. ლუისაც გაუკვრავს თავის პაწაწა კიჭი და შეუღრენია, ასე რომ არავის ვაკრიტიკებ. მაგრამ ფაქტია, რომ აცრის გარდა, არანაირი რეალური სავალდებულო წესები არ არსებობს ჩვენთან ძაღლების პოპულაციის ცხოვრების სამართავად. საჭირო კი არის, აშკარად.”