წინანდალში 25 წლამდე ასაკის ბიჭი ბიძამ ცივი იარაღით დაჭრა – ინფორმაციას კახეთის მთავარი ამბები ავრცელებს.
შემთხვევა თელავის მუნიციპალიტეტში 2 იანვარს, ღამით მოხდა.
ადგილობრივების ინფორმაციით, ბიძასა და დისშვილს შორის დაპირისპირება ყოფით ნიადაგზე დაიწყო, რაც მოგვიანებით სისხლიან გარჩევაში გადაიზარდა.
არსებული ცნობებით, 50 წლამდე მამაკაცმა საკუთარ დისშვილს დანით ჭრილობა სხეულზე მიაყენა.
დაშავებული სამედიცინო დაწესებულებაში გადაიყვანეს, სადაც შესაბამისი დახმარება გაეწია.
ამ ეტაპზე მისი ჯანმრთელობის მდგომარეობა დამაკმაყოფილებელია.
სამართალდამცავებმა ბრალდებული პირი შემთხვევის ადგილზე დააკავეს. ჩხრეკის დროს კი მისგან არსებული ინფორმაციით, ნარკოტიკული საშუალება ამოიღეს.
როგორც შინაგან საქმეთა სამინისტრო აცხადებს, ფაქტზე გამოძიება სისხლის სამართლის კოდექსის 11 პრიმა 120-ე მუხლით დაიწყო, რაც ოჯახის წევრის მიმართ ჯანმრთელობის განზრახ მსუბუქ დაზიანებას გულისხმობს.
კომენტარები