არქიმანდრიტი დოროთე ყურაშვილი მღვდელმსახურებას სამების საპატრიარქო ტაძარში აგრძელებს. არქიმანდრიტს ტაძრის წინამძღოლის სტატუსი ფორმალურად დისციპლინური და ზნეობრივი ხასიათის დარღვევების გამო შეუჩერეს, თუმცა სასულიერო პირი დარწმუნებულია რომ “ქართულ ოცნებასთან” დაახლოებული მაღალი იერარქები, მას პროტესტის მონაწილეების გვერდით დგომას არ პატიობენ.
“ვიწროდ ვართ, მაგრამ რაც უფრო გვავიწროებენ, მით უფრო ფართოვდება ჩვენში ქრისტე, ამიტომ მადლობა ღმერთს იმისთვის, რაც გვაქვს. მთავარია, ხალხი მოდის და ხალხი ეზიარება. აქედან გამომდინარე, ჩვენ ჯერჯერობით ვახერხებთ მაინც იმას, რომ მიუხედავად ყველაფრისა ვიყოთ ქრისტესთან და ვიყოთ სიმართლის მხარეს. დღეს სიმართლეს ჯვარს აცმევენ, სიმართლეს მოსდევენ, მოსდევენ ერშიც და მოსდევენ ბერშიც და ეს სამწხუროა, მაგრამ მთავარი ის არის, რომ ჭეშმარიტებას რაც უფრო ეწინააღმდეგებიან, მით უფრო მეტად ვრცელდება ის და მით უფრო მეტად ყვირის ჭეშმარიტება და სიმართლე ქრისტესი, ამიტომ ჩვენ სიმართლის მხარეს ვართ და ჩვენ გავიმარჯვებთ”, – ამბობს მამა დოროთე ყურაშვილი.
მამა დოროთეს მრევლი ამბობს რომ, მართალია, სასულიერო პირს ამბიონი წაართვეს თუმცა, ხალთან კომუნიკაციას ვერ შეუზღუდავენ. სწორედ ამიტომ ყველა, ვინც წლები ქვემო ბეთლემის ტაძრის მრევლი იყო, ახლა მამა დოროთეს გვერდით სამების ტაძარშია.
კომენტარები