პოლიტოლოგი, გია ხუხაშვილი, მთავარ არხთან, აშშ–ის მიერ, მოსამართლეების დასანქცირებაზე საუბრისას, ამბობს:
გზაგასაყარზე იმყოფება ქვეყანა, ან დასავლეთისკენ მივდივართ, ან რუსეთისკენ, სხვა არჩევანი არა გვაქვს, ჩვენი ხელისუფლება კი ამბობს, რომ ვირტუალური ნეიტრალიტეტი არსებობს, მაგრამ ეს თვალებში ნაცრის შეყრაა და მეტი არააფერი. როდესაც კონსტიტუციის გზაზე მიმავალს წამოგეწევა პარტნიორებისგან ასეთი შეფასება, ეს კატასტროფაა. უკვე რამდენი ხანია გვეუბნებიან, დაიწყეთ სასამართლო რეფორმა… 12 პუნქტის უმნიშვნელოვანესი პუნქტია მართლმსაჯულების რეფორმა.
ამერიკელებს რა ჯანდაბად სჭირდება ჩვენი სასამართლო, თურმე, კონტროლის მოპოვება სდომებიათ – ამ სისულელეს აჯერებენ ხალხს, ამერიკელებს სჭირდებათ ცივილიზებული პარტნიორი და ვერ იქნება პარტნიორი ცივილიზებული, თუ იქ არ არის მართლმსაჯულება, სამართლის გარეშე ვერ იქნება მშვიდობა და ზედმეტი თავის ტკივილი რაში სჭირდებათ. ჩვენ ხომ ვეუბნებით, რომ გვინდა თქვენ სახლში ვიცხოვროთ, ისინი გვეუბნებიან, ჩვენთან სიგარეტს არ ეწევიან. ჩვენი “მოღვაწეები” პასუხობენ, შენ ვინ გეკითხება, მე შენ სახლში სიგარეტს მოვწევ თუ არა. სანქციებს რომ გიწესებს, სამართლებრივი დვენა კი არ დაუწყიათ, იმათ თქვეს, ასეთი ხალხი ჩვენ ქვეყანაში არ გვჭირდება, არიან მამაძაღლები, დანარჩენი ამ საზოგადოების გადასაწყვეტია, მიიღებს ამ ხალხს, თუ არ მიიღებს.
იმ წინა ავადსახსენებელ რეჟიმს რომ ვებრძოდით და ჩვენ დროშაზე გირგვლიანის სახე რომ იყო გამოხატული და ხმალამოღებული რომ იცავდით, ახლა იმ მოსამართლეებს, რომლებსაც მისი მკვლელობის გაპრავებაში მონაწილეობდნენ, ისევ ისე ხმალამოღებულნი რომ იცავთ, არ გრცხვენიათ ელემენტარულად?
მართლმსაჯულების თემა ეს არის ფუნდამენტური, ცენტრალური თემა, ეს არის ბოლო ინსტანცია სამართლის პოვნის ადმაიანისთვის. ადამიანზეა აგებული ცივილიზებული სამყარო, მის უფლებებზე, სისტემა მანკიერიც რომ იყოს, თუ სასამართლო ნდობით აღჭურვილია, ადამიანს აქვს შანსი, უსამართლო სისტემაში ბოლოში მაინც თავი დაიცვას, ამიტომ იწყებენ სასამართლოდან.
კომენტარები