“წერილობითაც მივმართეთ, ტელეფონითაც ვესაუბრეთ” – მინისტრი გიული ალასანიას ტყუილში ადანაშაულებს

იუსტიციის მინისტრი აცხადებს, რომ ტყუილია განცხადებები იმის შესახებ, თითქოს ვინმეს მიხეილ სააკაშვილთან არ უშვებენ. როგორც ბრეგაძემ აღნიშნა, მესამე პრეზიდენტის ოჯახსა და დაცვის მხარეს შესაბამისი დოკუმენტაციით, ამ დრომდე არ მიუმართავს მკურნალობის პროცესში პოლონელი ექიმების ჩართვაზე:

“მრავალი თვეა ვეუბნებით რომ წარმოადგინონ, წერილობითაც მივმართეთ ქალბატონ გიული ალასანიას, ჩვენი წარმომადგენელი ტელეფონითაც ესაუბრა, მაგრამ მათ ამ დრომდე არ წარმოუდგენიათ შესაბამისი ფორმით განცხადება და ჩვენ ვთქვით რომ როდესაც წარმოადგენენ, ჩვენ დაჩქარებულ რეჟიმში განვიხილავთ ამ განცხადებას, ანუ მათ არ მოუთხოვიათ შესაბამისი ფორმით, შესაბამისად, ნებისმიერ საკითხი და ნებისმიერი სიტყვა იმის შესახებ, რომ მიხეილ სააკაშვილთან ვინმეს არ უშვებენ, არის წმინდა წყლის ტყუილი.” თქვა ბრეგაძემ

სტრასბურგისგან უარი ეთქვა ვარშავაში გადაყვანაზე და არ დაგვევალა სხვა სამკურნალო დაწესებულებაში გადაყვანა – ბრეგაძე სტრასბურგზე