„ყველა კვლევის თანახმად, პარტიათა აბსოლუტური უმრავლესობის რეიტინგი სოციოლოგიური კვლევის ცდომილების ფარგლებშია. სამი პარტიის გარდა, ყველა დანარჩენი პარტიის რეიტინგი შეადგენს 3-4%-ს ან ნაკლებს.
„ნაციონალური მოძრაობა“ ყოველი არჩევნების წინ ახერხებს პარტიათა დამუნათებას, გავლენის ქვეშ მოქცევას, იყენებს მათ, შემდეგ კი აპანღურებს.
მათ მიერ კონტროლირებად ტელევიზიებშიც, სხვა პარტიებს და მათ ლიდერებს ეთერს აძლევენ მაშინ, როცა „ნაცმოძრაობას“ სჭირდება.
განსაკუთრებით ეს ეხება ყოფილ „ოცნებელებს.“ მათ უმრავლესობას აჩვენებენ მხოლოდ მაშინ, როცა „ოცნების“ ლანძღვაში მათი ყოფილი თანაპარტიელების მოშველიება სჭირდებათ. იგივე ემუქრებათ ოცნებიდან ახლახან წასულებსაც.
მოკლედ, პარტიები, პოლიტიკოსები, რომლებიც სააკაშვილის თამაშს თამაშობენ, პოლიტიკურ სასაფლაოზე აღმოჩნდნენ ან სასაფლაოს გზას ადგანან.
ამ არჩევნებზე ოპოზიციამ ყველაზე უაზრო, უშინაარსო და წამგებიანი წინასაარჩევნო კამპანია აწარმოა,“- წერს ანალიტიკოსი.
მისი თქმით, სააკაშვილის მომოლოდინე პოლიტიკოსებს საბოლოო იმედი ევროპარლამენტარების მიერ გაკეთებულმა განცხადებებმაც გადაუწურა.
„დარჩა ერთი იმედი, ცას შეჰყურებენ, მესიის მოლოდინში. ამ მოლოდინშიც მათმა მოკავშირე ევროდეპუტატებმაც ეს იმედიც გადაუწურეს.
ვინც ვერ გაიგებს, რომ საკუთარ მიზნებზე იფიქრონ და ვერ დააღწევენ თავს ენმ-ის გავლენებს, პოლიტიკური სასაფლაოს მობინადრეებად დარჩებიან, დაახლოებით 200-მდე პარტიასთან ერთად. იქედან ჯერ არავინ მობრუნებულა,“- წერს ამირან სალუქვაძე.
კომენტარები