თურქეთში მცხოვრები ქართველი ელენე ყაფლანი „მთავარ არხთან“ საუბარში მომხდარი მიწისძვრის შესახებ საუბრობს:
„მოსალოცად გვაქვს საქმე იმიტომ რომ წარმოდგენაც კი შეუძლებელია რას გადავურჩით. ადგილობრივი დროით 04:15 წუთზე ისეთი სიძლიერის ბიძგი რომ არ ვიცი როგორ უნდა აღვწერო. ვიფიქრე რომ რამდენიმე წამში დასრულდებოდა, მაგრამ გაგრძელდა და ინტენსივობამ მოიმატა.
კატასტროფული ხმა ისმოდა, ყველა ნივთი ძირს ცვიოდა, გაქცევა ვეცადე, კარი დაიკეტა და მივხვდი, რომ აზრი არ ჰქონდა. ერთადერთი ვიფიქრე რომ მე ახლა უნდა მოვკვდე და იქნებ ისე მოხდეს რომ ძალიან არ მეტკინოდს. პირველი ბიძგი 1 წუთამდე გაგრძელდა, დასრულებისთანავე იმ წამსვე შევძელით რომ გარეთ გამოვსულიყავით, სახლიც ჩამოინგრა და განმეორდა იგივე სიძლიერის ბიძგი.
ამასთან ერთად გაზი აფეთქდა და ამან ხანძარი გამოიწვია, როგორი ქაოსია ვერ წარმოიდგენთ, მაგრამ მაინც კოორდინირებულად მოქმედებენ. პროგნოზი დამაიმედებელი ნამდვილად არ არის. აქამდე ბიძგები ჰორიზონტალური იყო და ახლა ბოლო ბიძგები ვერტიკალური იყო. უამრავი შენობაა დანგრეული, მათ შორის ფაქტობრივად დანგრეულია ისტორიული შენობები“
„პია.ჯი“
კომენტარები