აშშ-ის ყოფილ პრეზიდენტზე, დონალდ ტრამპზე თავდამსხმელი ლიკვიდირებულია. გამოძიების ფედერალური ბიუროს (FBI) ინფორმაციით, პირი, რომელმაც აშშ-ის ყოფილ პრეზიდენტს, დონალდ ტრამპს პენსილვანიაში წინასაარჩევნო მიტინგის დროს ესროლა, იდენტიფიცირებულია, როგორც 20 წლის თომას მეთიუ კრუკსი.
“FBI-მ დაადგინა 20 წლის თომას მეთიუ კრუკსი, პენსილვანიიდან, როგორც სუბიექტი, რომელიც მონაწილეობდა ყოფილი პრეზიდენტის დონალდ ტრამპის მკვლელობის მცდელობაში 13 ივლისს, პენსილვანიაში… ეს რჩება აქტიურ და მიმდინარე გამოძიებად და ნებისმიერს, ვისაც აქვს ინფორმაცია, რომელიც შეიძლება დაეხმაროს გამოძიებას, შეუძლია გამოაგზავნოს ფოტოები ან ვიდეოები ონლაინ მისამართზე (FBI.gov/butler), ან დარეკოს FBI-ში (1-800-CALL-FBI),” – განუცხადა FBI-იმ Fox News Digital-ს.
მედიის ინფორმაციით, შემთხვევის შედეგად დაღუპულია 1 პირი, 2 კი კრიტიკულად დაშავდა. პენსილვანიის შტატის პოლიციის ვიცე-პოლკოვნიკის, ჯორჯ ბივენსის ინფორმაციით, სამივე მათგანი ზრდასრული კაცია.
„ჩვენ შევატყობინეთ ოჯახის რამდენიმე წევრს, მაგრამ მათ არ ჰქონდათ შესაძლებლობა, ეცნობებინათ ფართო ოჯახისთვის“, – თქვა მან.
კომენტარები