“სიმართლე არ არის, რომ საქართველო არ შეუერთდა სანქციებს… ჩვენ ჩვენი სანქციები გვაქვს” – ზურაბიშვილი CNN-ს

საქართველოს პრეზიდენტი CNN-თან ინტერვიუში საუბრისას, ამბობს:

“სრულიად სიმართლე არ არის, რომ ჩვენ არ შევუერთდით სანქციებს, იმიტომ, რომ რეალურად, ჩვენ ვართ საერთაშორისო სანქციების ნაწილი. საქართველოს თავისი სანქციები აქვს, რაც გულისხმობს, რომ ჩვენ არ გვაქვს დიპლომატიური ურთიერთობები რუსეთთან, არ გვაქვს ფრენები რუსეთთან და გვაქვს 2 ოკუპირებული ტერიტორია. ჩვენი ტერიტორიების 20% ოკუპირებულია რუსეთის მიერ. ეს არის ჩვენი საკუთარი სანქციები.

ევროპაში ახალი ვითარებაა, არა მხოლოდ სანქციების კუთხით, არამედ აღქმა, რომ რაღაც უნდა გაკეთდეს” საქართველოსთან, მოლდოვასთან და უკრაინასთან მიმართებაში, ევროინტეგრაციის კუთხით.

“ჩვენ ვართ ევროპული ქვეყნების უმეტესობისგან განსხვავებულ ვითარებაში. ჩვენ რა გვაქვს ნატოს წესდების მე-5 მუხლის დაცვა. წინა ხაზზე ვართ. ძალიან სოლიდარულები ვართ ჩვენი ევროპელი პარტნიორების მიმართ. მაგალითად, ჩვენ ვართ იმ რეზოლუციის თანაინიციატორები, რომლებიც საერთაშორისო ინსტიტუტებში მიიღება. ასე რომ, ვფიქრობ, რომ საქართველო იქ არის, სადაც უნდა იყოს – ჩვენს ევროპელ პარტნიორებთან. ასოცირებული ტრიოს ფარგლებში, რომელშიც უკრაინა, მოლდოვა და საქართველო არიან, ვაგრძელებთ გზას ევროკავშირში ინტეგრაციისთვის. შეიძლება არის განცდა, რომ ევროინტეგრაციისკენ გზა ძალიან გრძელი და ბიუროკრატიულია”.

“ალტ-ინფო“ რუსული პოლიტიკის ღია პროპაგანდააა, ხვალ რომ საქართველო რუსეთთან ომში ჩაებას, ვის მხარეს იბრძოლებთ? – ხუნდაძე ალტ-ინფოს