თვითონაც თქვა ბატონმა ზურაბმა, ექიმებს შიშიც აქვთ, რომ შეიძლება ძალიან სწრაფად წავიდეს შეუქცევადი პროცესები – გიული ალასანია მიხეილ სააკაშვილზე

საქართველოს მესამე პრეზიდენტის დედა, გიული ალასანია „ვივამედის“ დირექტორის, ზურაბ ჩხაიძის განცხადებას ეხმაურება.

„ვერ ჭამს, თვითონაც თქვა ბატონმა ზურაბმა, მე თავიდან ბოლომდე ვერ მოვისმინე, რაც მოვისმინე არის ეს, რომ ვერ ჭამს. იმ კალორიებს ვერ იღებს, რომელიც ეკუთვნის ამ სიმაღლის და ამ მონაცემების ადამიანს. ეს ასეა, ნამდვილად. დღეს ბატონმა ზურაბმა თქვა, რომ 69 კგ იყო დღესო, ხვალ შეიძლება იყოს 67 კგ და ზეგ შეიძლება 65 კგ-ო. ექიმებს აქვთ ეს პასუხისმგებლობა და გრძნობენ ამ პასუხისმგებლობას და შიშიც აქვთ, რომ შეიძლება ძალიან სწრაფად წავიდეს შეუქცევადი პროცესები“, – განაცხადა ალასანიამ.

ცნობისთვის, ზურაბ ჩხაიძემ განაცხადა, რომ სააკაშვილმა მიმდინარე პროცესების პროტესტის ნიშნად შეამცირა კალორაჟი და ოჯახს მოუწოდა, დაარწმუნონ ის, დაექვემდებაროს ექიმების რეკომენდაციას.