“ძალა ერთობაშიას” წევრი, მამუკა გამყრელიძე სოციალურ ქსელში წერს:
„B ტიპის დიაბეტი მაწუხებს წლებია. მხოლოდ დიეტა და ვარჯიში არ მყოფნის და მიწევს მედიკამენტების მიღებაც. გუშინ დავთვალე და ჩემი წამლების (მხოლოდ დიაბეტის) ერთი თვის მარაგის ფასი GPC/ფარმადეპოს ქსელში 400 ლარამდე ავიდა. თვე არ გავა, რომ 5-10%-ით არ გაძვირდეს. ერთ ერთი წამალი, ორი წლის წინ, საფრანგეთში ვიყიდე და ის რაშიც თბილისში დღეს 173 ლარს ვიხდი იქ 20 ევრო ღირდა ! ქრონიკული ავადმყოფების წამლები ფარმაკოლოგიური კომპანიების მთავარი შემოსავალია. მაგრამ, ეს არ ნიშნავს, რომ ასეთი ავადმყოფების ხარჯზე ეს ხალხი უკიდეგანოდ უნდა გამდიდრდეს ! სამინისტრო ასეთი მედიკამენტების ფასის მუდმივ მონიტორინგს უნდა ახდენდეს და აუცილებელი ნაწილის დოტაციაც უნდა ხდებოდეს. ამ ფასებიდან გამომდინარე, პენსიონერებს უბრალოდ არ შეუძლიათ აუცილებელი წამლების ყიდვა. ჯანმრთელობას გისურვებთ ყველას, რომ წამლების ყიდვა არ დაგჭირვებოდეთ ჩარჩების ხელში ჩავარდნილ ამ უბადრუკ ქვეყანაში !“
კომენტარები